________________
યુદ્ધ માટે ઉભય પક્ષ સુસજ્જ તે વખતે ધર્મરાજ યુધિષ્ઠિરે રથમાં પ્રયાણ કર્યું. શ્રીકૃષ્ણ સારથિ બનીને અર્જુનના રથને હાંક્યો. ધર્મરાજાએ ભૃહ વિચારીને સઘળા રાજાઓને તે મુજબ ગોઠવી દીધા. સામા પક્ષે પણ એ રીતે સૈન્ય આગળ ચાલ્યું અને પ્રતિબૃહને ગોઠવીને ઊભું રહ્યું. એક બાજુ વિરાટ જરાસંઘના સૈન્ય સહિત કૌરવ-સૈન્ય ખડું થઈ ગયું હતું. બીજી બાજુ ખેચરોના વિરાટ સૈન્ય સહિત ધર્મરાજાનું સૈન્ય સજ્જ બનીને ઊભું રહ્યું હતું.
તે વખતે ઉભય પક્ષના યોદ્ધાઓએ સર્વ સંમતિથી નિર્ણય લીધો કે કોઈએ પણ શત્રુપક્ષના નિઃશસ્ત્ર ઉપર શસ્ત્ર ઉગામવું નહિ, જે સ્ત્રી હોય તેને હણવી નહિ.
ધર્મ તો મારો સ્વભાવ છે
૧૧૩
જૈન મહાભારત ભાગ-૨
