Page Text
________________
યુધિષ્ઠિરના હૃદયની વિશાળતાનો ભાવ મદ્રરાજને સ્પર્શતાં તેના પ્રત્યે તેમને ખૂબ અહોભાવ પેદા થયો.
મદ્રરાજની મૂંઝવણ અને અંતે ઉકેલ પણ જેવા તે છાવણીની બહાર નીકળ્યા કે તરત તેમના સગા ભાણિયા (મદ્રરાજની સગી બહેન માદ્રીના પુત્રો) સહદેવ અને નકુલ તેમને મળ્યા. તેમણે કહ્યું, “મામા ! અમારો પક્ષ છોડીને તમે ખૂબ મોટી ભૂલ કરી છે. બીજું તો ઠીક, પણ માતા માદ્રીને આ જાણીને કેટલું બધું દુઃખ થશે ? શું તમે અમારી ઉપર બાણ ચલાવશો એમ ?”
ભાણિયાઓની વાતે મદ્રરાજ ભારે મૂંઝવણમાં પડી ગયા. તેમણે કહ્યું, “હવે તમે જ મને એવો રસ્તો કાઢી આપો કે જેથી મારો કોલ જાય નહિ અને તમારું પણ કામ થયા વિના રહે નહિ.”
ભાણિયાઓએ કહ્યું, “તો તમે આટલું કામ કરજો. કૌરવોના પક્ષે અમારા માટે કોઈ ભયરૂપ હોય તો તે એકમાત્ર કર્ણ છે. તમે જ્યારે ને ત્યારે તક મેળવતા રહેજો અને તેનું પોરસ તૂટી જાય તેવા સખ્ત ટોણાં-મેણાં તેને મારતા રહેજો.”
અને..મામાએ ભાણિયાઓની વાતનો સ્વીકાર કર્યો.
કાતીલ છે સગાંવાદ
કેવો કાતીલ છે સગાંવાદ કે તે દુર્યોધનને પક્ષે રહેલા માણસને શત્રુના હિતમાં કામ કરાવીને પક્ષદ્રોહ કરવાની પ્રેરણા કરે છે ! પેલી અંગ્રેજી કહેવત ‘Blood is thicker then Water કેટલી બધી સાચી ઠરે છે !
વિભીષણ જેવા ન્યાયપક્ષી કેટલા-કે જે સગા ભાઈ રાવણને અન્યાયપક્ષે જોઈને તેનો ત્યાગ કરી દીધો !
પેલી મંદોદરી ! પતિ રાવણની દુરાચારિતા પોષવા માટે સીતા પાસે જઈને કાકલૂદીઓ કરતી હતી. લંકાની એ સતી સ્ત્રીને અયોધ્યાની સતીને આમ વાત કરવામાં સગાંવાદ (પતિ-પત્ની સંબંધ) સિવાય બીજું કયું કારણ બન્યું હતું ?
અરે ! પરમાત્મા મહાવીરદેવની સંસારીપણે પુત્રી સાધ્વી થઈ. પણ જ્યારે સંસારી પતિ જમાલિ મુનિને પ્રભુ સાથે મતભેદ પડ્યો અને તે છૂટા થયા ત્યારે સાધ્વી પ્રિયદર્શના જમાલિ મુનિના પક્ષે ગઈ. કેવી આશ્ચર્યની વાત !
પિતા કરતાં પતિનું આકર્ષણ નારીને વધુ હોય માટે જ આમ બન્યું હશે ?
પાંડવ-શ્રીકૃષ્ણ અને કૌરવ-જરાસંઘની સેનાના પડાવ
દૈનંદિન પ્રયાણ કરતી પાંડવ-કૃષ્ણની સેનાએ એક દિવસ કુરુક્ષેત્રની સાવ નજીકમાં આવેલી સરસ્વતી નદીના તટે પડાવ નાંખ્યો.
ત્યાં શેખરક નામના દૂતે આવીને યુધિષ્ઠિર અને શ્રીકૃષ્ણને કહ્યું, “જરાસંઘનો અશોક નામનો દૂત આપની પાસેથી પ્રતિસંદેશ લઈને જરાસંઘ પાસે ગયો અને ત્યાં તેની પાસેથી જરાસંઘે સઘળી માહિતી મેળવતાં જરાસંઘ ક્રોધાયમાન થયો. તેણે દ્વારિકા ઉપર આક્રમણ કરવાનો વિચાર કર્યો. તે વખતે ત્યાં જ ઉપસ્થિત રહેલા દુર્યોધને તેમને કહ્યું કે શ્રીકૃષ્ણને પણ અમે જ પાંડવોની સાથે હણી નાંખીશું. આ માટે તમે જરાય ચિંતા ન કરો. વળી કૃષ્ણને મારવાનો યશ અમને જ લેવા દો.”
એ જ વખતે અનેક પ્રકારના અમંગળોના સંકેત મળવા લાગ્યા. ભીષ્મ પિતામહ વગેરે વિચારવા લાગ્યા કે દુર્યોધન અને જરાસંઘ બે ભેગા થયા છે. બે ય દુષ્ટોમાં અગ્રણી છે. આ બે ય
ધર્મ તો મારો સ્વભાવ છે
જૈન મહાભારત ભાગ-૨
૧૧૧
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |