Page Text
________________
ગુલાબને “મોડ' ન આપો, તે ચીમળાઈ જશે અરે, પૂરબહારમાં ખીલેલા ગુલાબની પાંખડીઓને ચીમળનારાઓ ! ઓ ક્રૂર આદમીઓ ! આ શું કરો છો? તમે કોણ, તે ગુલાબને વધુ સારો મોડ આપનારા માણસો ? ખામોશ ! આ ગુલાબની સુવાસ હજારો માણસોના દિલ અને દિમાગને તરબતર કરે છે. તેનું જલ અનેક લોકોને ઠંડક આપે છે. તમે તેની પાંખડીને ‘વિકાસના નામે મોડ આપતા તો ચીમળી નાંખશો. તેથી તો તે સુવાસ ગુમાવશે અને તેમાં કીડા પડશે.
હાય ! તમારા તરંગી તુક્કાઓ !
હાય ! અનાદિસિદ્ધ હકીકતોને “સંશોધન'ના નામે અડપલાં કરવાની તમારા લોકોની નીચ વૃત્તિઓ !
ઓ લાખોના હત્યારાઓ ! શું તમારા માટે આ જગતમાં કોઈ કોર્ટ નથી ? કોઈ પાંજરું નથી ? કોઈ ન્યાયાધીશ નથી ? કોઈ ન્યાય નથી ? સજા નથી ? તમે યાદ રાખજો કે રૂઢિના જે ઊંડા ચીલાઓ પડેલા છે તે એમ ને એમ એકાદ રાતમાં પડેલા નથી. તેની ઉપર અનેક વંટોળ પસાર થઈ ગયા છે. તેને ભૂંસી નાંખવા અનેક લોકો પેદા થયા છે પણ અંતે તેઓ જ ભુંસાઈ ગયા છે ! જે ચીલાની પાછળ ઘણો મોટો ઇતિહાસ ખડકાયો છે તેને ભૂંસી નાંખવાનું આ આંધળું સાહસ છે. નવા ચીલા પાડવાની તમારી નાદાન બાળક જેવી વૃત્તિઓ સખત શબ્દોમાં વખોડવાને પાત્ર છે. સમજી લો કે નવા ચીલા રહેવાના નથી અને જૂના બદ્ધમૂલ ચીલાને વેરવિખેર કરવાના પરિણામે અનેક ભદ્રક પરિણામી જીવોના જીવન વેરવિખેર થઈને રહેવાના છે.
આવા કારણે જ ભારતમાં ગરીબી ફેલાઈ છે. પ્રાચીન પરંપરાના ધંધાઓને તોડી નાંખવામાં આવ્યા, યંત્રોના ધંધાઓ વિકસાવાયા. તેનું જ પરિણામ ગરીબી, બેકારી અને કારમી મોંઘવારી અહીં છે.
નિજ-પાપોને છુપાવવાની ચાલ કાશ ! હજી એ સત્યદર્શન પણ આ લોકોને થયું નથી. કદાચ સત્યદર્શન થયું હોય તો પ્રજા સમક્ષ તેને જાહેર કરીને તેટલા પાપોનો એકરાર અને પશ્ચાત્તાપ તેમણે કદી કર્યો નથી. હાય, કેવી ખોપરીના આ માથાંઓ હશે !
પોતાના બધા પાપોને છુપાવવા માટે જ મહાસત્તાઓની અને વિશ્વબેંકની સહાયો લઈને દેશની પ્રજાને સમૃદ્ધિથી છલકાતી બનાવાઈ રહી છે.
ગાય, ભેંસ અને ગાડર ખૂટી જવા લાગ્યા છે માટે જ તેમના માંસના અભાવની પૂર્તિ કરવા માટે ભંડ-ઉછેર ચાલુ કરાવાયો છે.
ગો-દૂધની અછતનો ગોકીરો ન મચે માટે જ “પ્રોટીન” જેવી કોઈ વસ્તુને પૌષ્ટિક જાહેર કરીને તેવા પ્રોટીનની રેલમછેલ ઈંડામાં બતાવાય છે !
જો અનાજના ભરપૂર ભંડારો (બફર-સ્ટોક) પડેલા હોય તો બત્રીસ કરોડ માણસોને પેટ-પૂરતું ય ખાવાને ધાન કેમ મળતું નથી?
વસ્તુતઃ ‘વસતિ-વધારો જ બોગસ હકીકત લાગે છે. અપોષણથી લાખો લોકો અકુદરતી મોતરૂપે સતત મરી રહ્યા છે. આથી જ અનાજનો જંગી વધારો થતો હોય તેમ લાગે છે.
ના; નથી સમજાતું, કાંઈ પણ નથી સમજાતું. સમજવાની કોશિશ કરતું મન વધુ ને વધુ વિહ્વળ બની જાય છે.
ધર્મ તો મારો સ્વભાવ છે
૧૦૭
જૈન મહાભારત ભાગ-૨
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |