Page Text
________________
આથી જ એ વાત તદ્દન સાચી પુરવાર થઈ છે કે વિદાયવેળાએ પૂંછડી પછાડતો જતો ભસ્મગ્રહ ભારતના સામાજિક અને રાજકીય ક્ષેત્રે કારમી દુર્દશા સર્જતો જઈ રહ્યો છે.
જુઓ, એણે સર્જેલી તબાહીના દ્રશ્યો.
આ ગરીબી પણ ચૂંટણી-ટાંકણે સત્તાલોલુપીઓને માટે આશીર્વાદ રૂપ પુરવાર થઈ છે ! આ લોલુપીઓ દ્વારા પોતાના હિતો સધાય તે માટે સ્થાપિત હિતો નોટોના બંડલો તેમને ચરણે ધરે છે. આ બંડલોની વહેંચણી દ્વારા ગરીબો તેમના ‘વોટ’ ધરે છે. શ્રીમંતોની નોટ અને ગરીબોના વોટ દ્વારા સત્તાભૂખ્યા લોકો ખુરશી ઉપર આરૂઢ થાય છે.
આ ગરીબી તો ઈસાઈ ધર્મના પ્રચારક ધર્માન્ધ લોકોને ભારતમાં અત્યંત સારી રીતે ટકાવી રાખવા જેવી વસ્તુ બની છે. ગરીબીનો લાભ લઈને જ તેઓ એક દિ’ હિન્દુસ્તાનને ખ્રિસ્તીસ્તાનમાં પલટી શકે તેમ છે.
બુદ્ધિજીવીઓનો શેતાન બોલે છે બુદ્ધિજીવીઓનો શેતાન બોલે છે કે : ભારતમાં ગરીબી કરતાં હિંસા કારમી અને વધુ વેગથી વ્યાપી છે.
મચ્છરો મારો, માંકડો મારો, ઉંદર મારો, દેડકાં-વાંદા-સસલાં મારો, સાપ મારો, મરઘાં મારો, ઈંડાના રસ પીઓ, માછલાનું ભોજન કરો, તીડ તળીને તેનું અથાણું ખાઓ.
હાય, આના જ પરિણામે માનવહૈયે પ્રવેશેલો શેતાન હવે મોટેથી રાડો પાડતો કહે છે, “તારી પત્નીને માર, રોગે રિબાતાં તારા મા-બાપને દયાબુદ્ધિથી મારી નાંખ, તારા સ્વાર્થે આડા અવરોધ ઊભા કરતાં બધાને મારી નાંખ; પેટમાં બાળકને મા૨, રાજકારણમાં પ્રતિસ્પર્ધીને ખતમ કર, નબળા ઢોરોને કાપી નાંખ, ગરીબ લોકોનો જીવનાધિકાર આંચકી લે, પીડાતા દર્દીઓને પતાવી નાંખ. ખૂબ ઘેટાં-બકરાં ઉછેર, ખૂબ માંસનિકાસ ક૨, ખૂબ હૂંડિયામણ કમાઈ લે ! તેલ લે, બદલામાં માંસ દે !
બટર-ઓઈલનું નામ લગાવીને પશુઓની ચરબીના તેલની આયાત કર ! ભારતની શાકાહારી (અન્નાહારી) પ્રજાને-ઉલ્લુ અને મૂર્ખ પ્રજાને આ તેલ પાઈ દે ! એને ગાણાં ગાયા જ કરવા દે કે
અમે નિરામિષાહારી છીએ !’
બુદ્ધિજીવી માનવોના હૈયે બેઠેલો શેતાન હજી બરાડતો બોલે છે તે સાંભળો :
“એય ! રચનાત્મક કામો કરો. વનોના વનો ભલે કપાઈ જતા, તેની બૂમરાણ ન મચાવો. તમે નવા ઝાડ વાવવાના રચનાત્મક કામમાં લાગી પડો.
દર વર્ષે ચાર લાખ હિન્દુઓ ભલે ઈસાઈ બનતા. તમે તેનો ગોકીરો ન મચાવો પણ તમારી શક્તિ મુજબ ચારસો-પાંચસો કે એક હજાર ઈસાઈઓને પાછા હિન્દુ બનાવી દેવાનું રચનાત્મક કામ કરો.
બંધો બાંધો. ભલે નદીના પટોમાં કાંપ જામે અને તેથી ભલે થોડા વરસાદે પૂર આવ્યા કરે ! ટ્યૂબવેલો તૈયાર કરો. ભલે વધુ પડતાં પાણી ધરતીમાંથી ખેંચાઈ જાય ! ભલે તે પોલાણોમાં સમુદ્રના ખારા પાણી ધસી આવીને નદી-તળાવો ખારા થવા લાગે !
બધા ધર્મોની એકતા કરી નાંખો ! વધુ મતે ઈસાઈ ધર્મને વિશ્વધર્મ તરીકે જાહેર કરો. બીજા બધા ધર્મોને તેમાં ભેળવી દો !
ધર્મ તો મારો સ્વભાવ છે
૧૦૮
જૈન મહાભારત ભાગ-૨
| SR No. | 009165 |
| Book Title | Jain Mahabharat Part 02 |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2004 |
| Total Pages | 222 |
| Language | Gujarati |
| Classification | Book_Gujarati |
| File Size | 1 MB |