________________
એથી સરવાળે લાભ આયોજકોને થતો હોય છે. એમાં ધર્મ કેટલો અને ટ્રસ્ટ કેટલો-એ પૂછવાનો કોઈ અર્થ જ નથી.
પૂર્વે જણાવ્યા મુજબ ગૃહસ્થપણામાં આરંભસમારંભનું પાપ ઘણું મોટું છે. એમાં પણ અર્થ-કામનો લોભ ભળે તો પાપ એથીય ઘણું મોટું થાય છે. દાનધર્મના અભ્યાસથી અર્થ અને કામની ઈચ્છા ઉપર નિયંત્રણ ચોક્કસ લાવી શકાય છે. અર્થ અને કામની ઈચ્છા ભયંકર છે-તે સમજાય તો પરિગ્રહ હળવો કરી શકાય. દાન, પરિગ્રહથી મુકાવા માટે છે, અધિક પરિગ્રહને ભેગો કરવા માટે નથી.
કહેવાનો આશય એટલો જ છે કે-ન્યાયસમ્પન્ન વિભવનો સ્વામી એવો ગુર્નાદિસમ્મત દાતા, નિગ્રંથ પૂ. ગુરુભગવન્તોસ્વરૂપ ગ્રાહકને નિરવદ્ય અશન-પાન-શસ્યાવસતિ પ્રમુખનું (દયનું યોગ્ય કાળે શ્રદ્ધા-સત્કારપૂર્વક જે દાન કરે છે તે મુખ્યપણે ધર્મોપગ્રહકર સુપાત્રદાન છે. દીન, દુઃખી, દરિદ્ર અને નોકરી વગેરે માટે તદ્દન અસમર્થ એવાં અનુકમ્પાપાત્રોને કરુણાન્વિત હૃદયે વિવેકપૂર્વક જે દાન અપાય છે તે દાન ધર્મોપગ્રહકર અનુકમ્પાદાન છે. ભગવાન શ્રી જિનેશ્વરદેવની પરમતારક આજ્ઞા મુજબ અનુકંપાદાન વિવેકી જનો ખૂબ જ ઉદારતાપૂર્વક કરે તો શાસન-પ્રભાવનાનું તે કારણ બન્યા વિના નહિ રહે. અનુકમ્પા કે ભતિનાં પાત્ર જેઓ નથી એવા પાત્રાભાસોને ઔચિત્ય ખાતર જે અપાય છે, તેને ઉચિતદાન કહેવાય છે.
