________________
બળતા દેખાયા છે. જેઓના મસ્તક પર હમેશાં છત્ર ધરાતાં, તથા જેઓ હમેશાં હાથી પર બેસી ચાલતા, તેઓનાં શરીરોને પણ અંતે બાંધીને શાનમાં લઈ જવામાં આવ્યાં છે. જેના શરીરની કાંતિ ચંપા સમાન હતી, તથા જેમની જંઘાઓ કેળના વૃક્ષ સરખી કોમળ હતી, તેઓના શરીરો પણ કર્કશ કારેની ચેમાં પડેલાં છે. માટે હે ચેતન ! આ સંસારની એવી જ અને સ્થિર બાજી છે, કેમકે આ સિદ્ધરાજ જેવા રાજાને પણ અંતે બાળીને ખાખ કરેલા છે.
હવે અહી કુમારપાળને સિદ્ધરાજના મૃત્યુના સમાચાર મળવાથી, તે તુરત પાટણમાં આવ્યા, અને તે સમયે તેને શુભ શકુને થયાં. ત્યારબાદ તે તુરત પિતાના બનેવી કૃષ્ણદેવને જઈ મળ્યા. તુરત શુકન પાઠકને બોલાવી પૂગ્યાથી તેઓએ જણાવ્યું કે, આજથી સાતમે દિવસે કુમારપાળને રાજ્ય મળશે.
પછી સઘળા મંત્રિઓ અને સાંમતે મળી વિચાર કર્યો કે, હવે આ પણે કોને રાજય આપવું? કેટલાકને એવો મત થયા કે, આપણે મહીપાળ અને રપાળને બોલાવવા, અને તે બન્નેમાંથી એકને રાજ્ય સોંપવું. વળી કેટલાએકની સમ્મતિથી ત્યાં કુમારપાળને પણ બેલાવ્યા. છેવટે એકમતથી તેઓએ પ્રથમ મહીપાળને ગાદીએ બેસાડી તેની પરીક્ષા માટે પૂછયું કે, તા. મો શી રીતે રાજ્ય ચલાવશો? ત્યારે મહીપાળે તેઓની દાક્ષિણતાને લીધે કહ્યું કે, જેમ તમારી આજ્ઞા થશે, તેવી રીતે રાજ્ય ચલાવીશું. તે સાંભળી તેને અયોગ્ય જાણી રાજ્ય ન આપતાં રપાળને બેસાડી તેને પણ જ્યારે તેવી જ રીતે પૂછવામાં આવ્યું, ત્યારે તેણે પણ મહીપાળને મળતેજ ઉત્તર આપ્યો. આથી તેને પણ રાજ્ય ન આપ્યું. છેવટે કુમારપાળને ગાદીએ બેસાડી, તેમને જ્યારે ઉપલો સવાલ પૂછવામાં આવ્યું, ત્યારે કુમારપાળે તુરત તલવારને મીયાનામાંથી કહાડી કહ્યું કે, આ તલવારના પ્રાબલ્યથી હું રાજ્ય ચલાવીશ. તે સાંભળી સંતુષ્ટ થએલા મંત્રિઓએ તેમને રાજ્યાભિષેક કર્યો, અને તેમની આણ રાજ્યમાં ફેરવી. - હવે તે સમયે કેટલાક ઘરડા પ્રધાનને કુમારપાળ તરફ અણગમો થવાથી, તેઓએ તેને મારી નાખવાનો વિચાર કર્યો. આ બાબતની કુમારપાળને જાણ થતાં, તે પ્રધાનોને તેમણે તુરત મરાવી નાખ્યા. અનુક્રમે કુમારપાળના ડરથી સર્વ સામતે તેમને વશ થયા.
Aho ! Shrutgyanam