________________
प्रणामिदौवारिककुन्तनामकृतप्रयाणस्समवाप बाह्यम् । सुराज्यलक्ष्म्या नतनेत्रदृष्ट्या स सम्मतः किं गृहदर्शनार्थम् ।।७।।
सभापरित्यागिनि पूर्वमस्मिन् रवे रुचस्स्वर्णरुचो निपेतुः । ततो गलत्स्वेदकणैस्स गौरै श्चकार सर्वा अपि तास्स्ववर्णाः ॥८॥
प्रतिस्वरूपेण भुवं श्रितेन सितेतरणाऽनुगतः स्वपीठे । व्यतीतमायुष्कमिव स्मरन् स बभौ किलाऽऽत्मस्मृतिजागरूकः ॥९॥
गतस्स यावच्चरणैः पुरस्ताद् विहङ्गिकायानभृतस्तु तावत् । महान्ति पुण्यानि किलाऽस्य गातुमुपस्थिता दण्डभृतोऽप्यदण्डाः ॥१०॥
सुयोगवाही शुभदृष्टिपातो ग्रहो यथोच्चः जनिपत्रिकायाम् । निषत्तिभागत्र विराजते स्म समुन्नतैर्भाग्यभरैस्समय॑ः ॥११॥
पथे सरन्ती शिबिका जनाढ्ये समुद्रनीर विललास नौवत् । स्थिरासनः श्रेष्ठिवरस्सुवासा न मध्यमस्तम्भपदं बभार ? ॥१२॥
श्रीमाणिभद्रमहाकाव्यम् ३
