Tarak Tattvagyan

SR No.: 008960
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 186
Language: Gujarati
Classification: Book_Gujarati, Philosophy, & Religion
File Size: 2 MB

Page 40

(પ્રથમ સ્તનપાન વગેરે શી રીતે ? બાળક જન્મ્યા પછી સ્તનપાન કરે છે. તે બાળકને સ્તનપાન કરવાનું કોણે શીખવ્યું? સ્તનપાન કરવાથી ભૂખનું દુઃખ દૂર થશે માટે તું સ્તનપાન કર, તેવી સમજણ કોણે આપી ? આ ભવમાં તો તેવું શીખવનાર કોઈ છે જ નહિ. તેથી માનવું જ પડે કે આ બાળકે પૂર્વભવોમાં સ્તનપાન કરેલું છે. ત્યાંના તે સંસ્કાર તેના આત્મામાં પડેલા છે. જે સંસ્કાર અત્યારે જાગ્રત થતાં તે જાતે જ સ્તનપાન કરવા લાગ્યો છે.
જો આત્મા જેવી ચીજ ન હોત તો બાળક પ્રથમ સ્તનપાન શી રીતે કરત ? જો આત્મા અને શરીર એક જ હોય તો પૂર્વભવમાં સ્તનપાન કરનાર શરીર તો બળી ગયું છે. તે શરીરનો નાશ થતાં જ પૂર્વભવના સ્તનપાનના સંસ્કારો પણ નાશ પામી ગયા. આ ભવમાં તો નવું જ શરીર છે. તેમાં તો પૂર્વભવના સ્તનપાનના સંસ્કાર પડ્યા જ નથી, પણ બાળક પ્રથમ સ્તનપાન તો કરે જ છે. માટે માનવું જ પડે કે પૂર્વભવના શરીરમાં સ્તનપાન વખતે જે આત્મા હતો, તે જ આત્મા સ્તનપાનના સંસ્કાર લઈને આ ભવના શરીરમાં છે. અને તેના જ કારણે બાળક પ્રથમ સ્તનપાન કરે છે.
તે જ રીતે જેણે કાંઈ જ તેવું લાગ્યું – સાંભળ્યું કે જોયું નથી તેવી વ્યક્તિને યુવાનવય થતાં જ કામવાસનાના સંસ્કારો જાગ્રત થતાં દેખાય છે. તે આત્માને માનીએ તો જ સંગત બને. આ ભવઃા શરીરે ભલે તેનો અનુભવ ન કર્યો હોય પરન્તુ આ ભવના શરીરમાં રહેલા આત્માએ પૂર્વભવમાં તે અનુભવો કર્યા જ છે. તે વખતે પડેલા સંસ્કારો યુવાનવય થતાં જાગ્રત થાય છે. '
આપણે નાના હતા ત્યારે વરસાદમાં નહાવા નીકળતા હતા તે યાદ આવે છે ને ? આ યાદ કોને આવી? આપણું બાળપણનું શરીર તો ક્યારનું ય બદલાઈ ગયું છે.
હવે જો શરીર પોતે જ આત્મા હોય એટલે કે શરીર સિવાય જુદો કોઈ આત્મા ન હોય તો, બાળપણનું શરાર અત્યારે ન હોવાથી આપણને બાળપણ ની વાતો યાદ રહી શકત નહિ.
પણ આપણને તો બાળપણની ઘણી વાતો યાદ આવે છે. માટે જ નક્કી થાય છે કે બાળપણનું શરીર ભલે બદલાઈ ગયું, અત્યારે યુવાનીનું શરીર ભલે હોય, કાલે પાછું શરીર બદલાઈ જાય;? તો પણ આ બધાં શરીરોમાં એવી કોઈક એક ચીજ ચોક્કસ છે જ કે જે જુદા જુદા શરીરોથી અનુભવાયેલી ચીજોને યાદ રાખે છે. બધાં શરીરમાં રહેતી એ જે ચીજ છે, જ ૩૫
છે