________________
શૂળીએ ચડાવી દઉં અથવા તો તરત જ એક ઘા મારીને તેના કટકા કરી નાંખું.
કેશીસ્વામી : હે પ્રદેશી ! કદાચ તે કામી માણસ તને કાકલુદી ભરીને કહે કે-હે સ્વામી ! મારી ભૂલ થઇ છે. આપને જે સજા ક૨વી હોય તે કરો પણ મને થોડો સમય આપો. હું મારા મિત્રો-સ્વજનો વગેરેને કહીને આવું કે હે માનવો ! કામાસકિતને વશ થઇને મારાથી સૂર્યકાન્તારાણી સાથે અનિચ્છનીય કાર્ય થઈ ગયું. તેથી મરણની આ સખત સજા પામ્યો છું. માટે તમે ભૂલચૂકે પણ આવા પાપાચરણો ન સેવજો, નહિ તો તમને પણ મારી જેમ ફાંસીની સજા થશે. હે પ્રદેશી ! તે કામી માણસનું આવું કાકલુદીભર્યુ વચન સાંભળીને તું તેને સજા કરતાં થોડોક સમય અટકી જાય ખરો ? પ્રદેશી : હે ભગવંત ! એ તો ન જ બને. આવો ભયંકર અપરાધ કરનારને એક ક્ષણ પણ જીવતો શી રીતે રહેવા દેવાય ? હું તો તેને તરત જ મારી નાંખું. ઘડીભર પણ એને એના ઘરે ન જવા દઉં.
કેશીસ્વામી : બસ.... તો પછી પ્રદેશી ! મળી ગયો તારા પ્રશ્નનો જવાબ ! નરકમાં ગયેલા તારા દાદાને ગમે તેટલી ઇચ્છા હોય કે હું માનવલોકમાં જઇને, મારા વ્હાલા પૌત્ર પ્રદેશીને જણાવું કે તું મારા જેવા પાપો ન કરતો. નહિ તો તારે પણ નરકમાં આવવું પડશે... વગેરે.
પણ ત્યાં રહેલા પરમાધામી દેવો તેને ત્યાંથી અહીં આવવા દેતા જ નથી ને ! પેલો કામી પુરૂષ-તને પરાધીન હોવાથી-પોતાના સ્વજનોને સમાચાર આપવા ન જઇ શકે તેમ તારા દાદા પણ ત્યાં નરકમાં પરાધીનપણે દુઃખો ભોગવી રહ્યા છે. તેથી તને કહેવા કેવી રીતે આવી શકે ? નરકમાં પડતા ભયંકર દુ:ખોથી વિહ્વળ બનતો નરકનો જીવ પોતે શું કરવું ને શું ન કરવું ? તેની મૂંઝવણ અનુભવતો હોય છે. તેથી અહીં નથી આવતો. વળી નરકમાં રહેલા કઠોર પરમાધામી દેવો તે ના૨ક જીવને ક્ષણભર પણ છૂટો રહેવા દેતા નથી. સતત તેને સતાવ્યા કરે છે.ત્રાસ આપ્યા કરે છે. તેથી પણ તે અહીં આવી શકતો નથી.
નારકીમાં ભોગવવા યોગ્ય તેનું વેદનીયકર્મ હજુ પૂર્ણ ભોગવાઇ ગયું નથી. માટે પણ તે ન આવી શકે.
અને નરકગતિનું આયુષ્ય પૂર્ણ થયા વિના કોઇ આત્મા નરકમાંથી બહાર નીકળી શકતો નથી. તારા દાદાનું નારકઆયુષ્ય હજુ પૂર્ણ ન થયું હોવાથી
૧૮
