Sutrona Rahasyo Part 2

SR No.: 008959
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 118
Language: Gujarati
Classification: Book_Gujarati & Religion
File Size: 3 MB

Page 79

દોષોની ચુંગાલમાંથી છટકવા માંગું છું, તેથી મારા દુઃખ રૂપે મને સતાવતા જે દોષો છે, તેનો નાશ તારા પ્રભાવે થાય તેવી ભાવભરી પ્રાર્થના કરું છું.
(૧૧) કમ્પષ્મઓ: ઓ દેવાધિદેવ પૂર્વભવોમાં કે આ ભવમાં મેં બાંધેલા કર્મો તારા પ્રભાવે નાશ પામો, નાશ પામો.
હે પ્રભુ! મેં પૂર્વની પ્રાર્થનામાં જગતના જીવોના દુઃખોના નાશની સાથે મારા દોષોનો નાશ માંગ્યો હતો. મને પૂર્ણ શ્રદ્ધા છે કે તારા અતિશય પ્રભાવથી મારા દોષો તો નાશ થઈને જ રહેશે. અને તેથી નવા કર્મો પણ બંધાતાં અટકી જશે.
પરંતુ પ્રભો ! જે કમ મેં ભૂતકાળના ભાવોમાં ને આ ભવમાં પણ બાંધી દીધા છે; તેનું શું? તેના ઉદયે પાછા દુઃખો ને દોષો મારા આત્માને પડ્યા વિના નહિ રહે. માટે મારે તો તે કર્મોનો પણ નાશ કરવો છે.
મેં સાંભળ્યું છે કે બંધાયેલું કર્મ તરત ઉદયમાં નથી આવતું, પણ તેનો અબાધાકાળ (શાંત રહેવાનો સમય) પૂર્ણ થયા પછી જ તે પોતાનો પરચો બતાડી શકે છે. વળી જો અબાધાકાળમાં ઉગ્ર તપ, પશ્ચાત્તાપ વગેરે કરવા રૂપ સત્ત્વ ફોરવવામાં આવે તો તે કર્મો નાશ પામે છે. જો તે કર્મો - અબાધાકાળ પૂરો થઈ જવાથી – ઉદયમાં જ આવી ગયા હોય તો અત્યંત સમાધિપૂર્વક ભોગવીને તેને ખતમ કરવા જોઈએ.
જો શોર્ય કે સમાધિનું સત્ત્વ ફોરવવાની તાકાત ન હોય તો જિનભક્તિ, જીવમૈત્રી, જાતશુદ્ધિ વગેરે દ્વારા પ્રચંડ પુણ્ય પેદા કરવું જોઈએ, જે પાપકર્મને ખતમ કરે ! ગુંડાની સામે તો ગુંડો જ જોઈએ ને !
પરંતુ પ્રભો ! શુદ્ધિ-સમાધિ-શૌર્ય-ભક્તિ-મૈત્રી વગેરેને પેદા કરવાનું મારી પાસે ક્યાં એવું કોઈ સત્ત્વ છે? કે જેનાથી મારા કર્મો નાશ પામે ! અનંતાભવો સંસારમાં ભટકું તો ય મારા પુરુષાર્થે મારા કર્મોનો ક્ષય થાય, તેવું મને જરા ય સંભવિત જણાતું નથી.
તેથી આજે તારી પાસે દોડતો દોડતો આવ્યો છું. તારો પ્રભાવ મારી ઉપર પડે તો જ મારા કર્મોનો સદંતર નાશ થાય, તેવું મારું માનવું છે. માટે હે પ્રભો! કરુણાદષ્ટિથી જરા મારી સામે નિહાળ અને મને આ જાલિમ કર્મોના બંધનમાંથી મુક્ત કર.
કર્મો કેટલા ભયંકર છે, તે મને બરાબર સમજાઈ ગયું છે. તિર્થંકરો, બારીક
૭૬ હજાર સૂત્રોનારોભાગ-ર કિ.