Page Text
________________
મારાથી આ વિશ્વના કોઈ પણ જીવના દુઃખ જોઈ શકાતા નથી. તેમના નાનાશાં દુઃખને જોઈને પણ મારી આંતરડી કકળી ઊઠે છે.
નારક, તિર્યચ, દેવ, મનુષ્યગતિના જીવો તરફ નજર દોડાઉં છું ત્યારે મને કોઈક જીવો ભયાનક યાતના સહન કરતાં તો કોઈક જીવો પરાધીનતાના કાતિલ દુઃખોથી પીડાતાં દેખાય છે. કોઈક જીવો ઈષ્ય ને અતૃપ્તિથી જલતાં તો કોઈક જીવો રોગ – ઘડપણ – મોતના ત્રાસને અનુભવતાં દેખાય છે. તેઓના આ બધા દુઃખો જોતાં મને તમ્મર આવી જાય છે. તેથી તારી પાસે માંગણી કરું છું કે, ““હે પરમાત્મા ! તારા પ્રભાવે વિશ્વના સર્વ જીવોના સર્વ દુઃખોનો નાશ થાઓ.”
હેત્રિભુવનના નાથ ! મારા દુઃખો તો મને દુઃખ રૂપ લાગતાં જ નથી તે વાત મેં પૂર્વે જણાવી. મને જો કોઈ દુઃખ રૂપ જણાતું હોય તો તે છે મને અનાદિકાળથી સતાવતા દોષો. આ દોષોને જ હું મારું દુઃખ માનું છું. માટે દુ:ખનાશથી હું મારી દોષોના નાશની તારી પાસે પ્રાર્થના કરું છું.
કેન્સર કરતાં ય વધારે ભયંકર મને મારો ક્રોધ લાગે છે. સગી મા હોવા છતાં ય મારા દીકરાઓ ઉપર હાથ ઉપાડતી વખતે ક્યારેક હું ડાકણ કરતાં ય વધારે મૂંડી બની જાઉં છું. મુનીમ કે પત્ની ઉપર હું જયારે ક્રોધે ભરાયો હોઉં ત્યારે મને લાગે છે કે કદાચ પેલો બાઈબલનો શેતાન મારી સામે જોઈને હરખાતો હશે કારણ કે તેના કરતાં ય વધારે ભયાનક શેતાનિયત ક્રોધના આવેશમાં હું આચરી બેસું છું !
ઓ મારા નાથ ! મને સતાવતી કામવાસનાની તો મારે વાત જ શું કરવી? સમાજ ના પાડે છે માટે જાહેરમાં સજ્જન તરીકે ફરું છું તે વાત જુદી. બાકી તો મારું મન જોતાં મને લાગે છે કે મને સતાવતા કામની જો દુનિયાને ખબર પડે તો લોકો મારી ઉપર થૂકે. મને કયાં ય ઉભો પણ રહેવા ન દે. હવે તું જ કહે ! એઈડ્ઝના રોગના દુ:ખ કરતાં મને સતાવતો કામ વધારે ભયંકર ન ગણાય?
મને સતાવતી કારમી આસક્તિ પેલા ડાયાબીટિસના રોગને પણ સારી કહેવડાવે તેવી છે. કઈ કઈ વસ્તુમાં મને આસક્તિ નથી થતી ? તે સવાલ છે. પૈસો, પરિવાર, પત્ની, ભોજન, વાહન, મોજશોખ, બધામાં હું છું આસક્ત. મારી આ આસક્તિ શી રીતે મારા આત્માનું આરોગ્ય અને પ્રાપ્ત કરવા દે?
માટે હે પરમાત્મા ! દુનિયાના કહેવાતા દુ:ખોથી બધા જો ત્રસ્ત હોય તો હું તેમના દુ:ખોનો નાશ થાય તેમ ઈચ્છું છું; પણ હું પોતે તો મને સતાવતા ભયંકર જ
૭૫ કિ . સૂત્રોના રહસ્યોભાગ-૨ બી.
| SR No. | 008959 |
| Book Title | Sutrona Rahasyo Part 2 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 118 |
| Language | Gujarati |
| Classification | Book_Gujarati & Religion |
| File Size | 3 MB |