Sutrona Rahasyo Part 2

SR No.: 008959
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 118
Language: Gujarati
Classification: Book_Gujarati & Religion
File Size: 3 MB

Page 59

પરમાત્મા વીતરાગ-વીતષ અને સર્વજ્ઞ છે. માટે પરમાત્મા કદી પણ જૂઠું બોલે જ નહિ. તેઓ સદા સત્ય જ બોલે. પરમાત્મા દીક્ષા લીધા બાદ જયાં સુધી કેવળજ્ઞાન ન પામે ત્યાં સુધી પ્રાય: મૌન રહે છે, તેનું કારણ પણ એ જ છે કે પરમાત્મા ત્યાં સુધી સર્વજ્ઞ બન્યા નહોતા. તેમનામાં રાગ-દ્વેષ હતા. તેથી અસત્ય બોલવાની સંભાવના હતી.
પણ જયારે તેઓ વીતરાગ, વીતષ અને સર્વજ્ઞ બને કેવળજ્ઞાન પામે ત્યારે દેવો. તેમના માટે સમવસરણની રચના કરે. જ્યાં સુધી જીવે ત્યાં સુધી પરમાત્મા પ્રાયઃ રોજ સવાર-સાંજ એક એક પ્રહર (ત્રણ-ત્રણ કલાક) દેશના આપે.
જે પરમાત્મા સાધનાકાળમાં સંપૂર્ણ મૌન હતા, તેઓ હવે સતત બોલવા લાગ્યા; તેનું કારણ એ છે કે હવે અસત્ય બોલાવાની કોઈ જ સંભાવના નથી. હવે રાગ-દ્વેષ-અજ્ઞાન ન હોવાના કારણે જે કાંઈ બોલાશે તે સત્ય જ બોલાશે.
આ સત્યવાણીને વહાવનારા, લોકોને ધર્મ માર્ગે જોડનારા, ઉપદેશ આપનારા તેઓ ત્રણે જગતના ગુરુ બન્યા.
જગગુરુ” પદથી આપણે પરમાત્માને જેમ જગતના ગુરુ તરીકે નિહાળવાના છે, તેમ સત્યવાદી તરીકે પણ સ્વીકારવાના છે. આ સત્યવાદી પરમાત્મા કદી જૂઠું બોલે જ નહિ. જો સાત નરક ન હોય તો તેઓ સાત નરક કહે જ નહિ. રાચીમારીને કરાતું રાત્રિભોજન નરકનો નેશનલ હાઈવે ન હોય તો પરમાત્મા તેમ કહેત જ નહિ.
પણ પરમાત્માએ જ્યારે તેવી વાતો કરી છે, ત્યારે તેને સત્ય તરીકે આપણે સૌએ સ્વીકારી લેવાની જરૂર છે, કારણ કે પરમાત્મા જગતના ગુરુ છે, સંપૂર્ણ સત્યવાદી છે. આ પરમાત્મા કદી પણ જૂઠું બોલે જ નહિ.
હે પરમાત્મન્ ! આજે “જગગુરુ બોલવા દ્વારા, મારા હૃદયમાં આપને ત્રણ જગતના ગુરુ તરીકે એટલે કે સંપૂર્ણ સત્યવાદી તરીકે સ્વીકારું છું. હવે આપના વચનમાં હું ક્યારે ય કોઈ પણ પ્રકારની શંકા નહિ કરું, તેની આપને ખાતરી આપું છું, આપની તમામેતમામ વાતોને હું સંપૂર્ણ શ્રદ્ધા અને સમર્પણભાવથી સ્વીકારીશ. મારા મનમાં ક્યારે ય તે બાબતમાં કોઈ વિરોધ પેદા નહિ થવા દઉં તેવો મારો દઢ નિર્ધાર આજે જાહેર કરું છું.
“તુહ પભાવ”
હે ભગવંત! તારા પ્રભાવથી મને આ તેર વસ્તુઓ પ્રાપ્ત થાઓ. ના, મારા પુરુષાર્થથી જરા ય નહિ. પૈસાના જોરે પણ નહિ. સત્તાના બળે પણ નહિ. પુણ્યના
બ્રાહક પદ પર સૂરોના રહસ્યોભાગ-૨ )