________________
પીછેહઠ કરવી પડે છે.
મને લાગે છે કે મારે આ યુદ્ધ લડવા માટે કુશળ સારથિની જરૂર છે. પેલો અર્જુન મહાભારતના યુદ્ધને ત્યારે જ જીતી શકેલો કે જયારે તેના પક્ષે સારથિ તરીકે શ્રીકૃષ્ણ હતા.
મને લાગે છે કે મારા પક્ષે સારથિ તરીકે જો આપ પધારશો તો જ મને કર્મસંગ્રામમાં વિજય મળી શકશે, તે સિવાય જય પામવું મારા માટે તો અશક્ય પ્રાયઃ જણાય છે.
મેઘકુમારનો ધર્મરથ જ્યારે ખોટા રસ્તે હતો, ત્યારે તેના ધર્મરથના સારથિ પ્રભુ ! આપ જ બન્યા હતા ને ? આપના પ્રભાવે તેનો ધર્મરથ સડસડાટ સાચા માર્ગે દોડવા લાગેલો. બસ પ્રભુ ! હું પણ આપની પાસે એજ માંગણી કરું છું કે,
હે વીતરાગ પરમાત્મા!
આપ મારા મનમંદિરમાં પધારો! દોષો સામેના યુદ્ધમાં આપ મારા સારથિ બનો ! તેમાં આપ વિજયવંતા બનો. મને પણ વિજય અપાવો.”
આમ, કર્મ સામે ચાલી રહેલું આપણું જે યુદ્ધ છે, તેમાં જય પામવાની વિનંતી આપણે પરમાત્માને કરી રહ્યા છીએ. પરમાત્મા આપણા મનમંદિરમાં આવે એટલે આપણને વિજય મળ્યો જ સમજો.
બાવના ચંદનના વનમાં ઠંડક લેવા આવેલા સાપોને દૂર શી રીતે કરવા? સાણસાથી પકડીને એકેક સાપને દૂર કરવા જઈએ તો સાપ આપણને જ ડંખ મારીને યમસદનમાં પહોંચાડી દે !
પણ જો તે જંગલમાં એક મોરલો લાવી દેવામાં આવે તો તેનો એકાદ ટહુકો જ તે જંગલને સર્પરહિત બનાવી દેશે, અરે ! મોરના અસ્તિત્વ માત્રથી બધા સાપ નાસી છૂટશે.
વીતરાગ પરમાત્મા છે આ મોરલો ! તે જો આપણા મનમંદિરમાં આવી જાય તો દોષો રૂપી સાપો શી રીતે ઊભા રહી શકે? માટે વીતરાગ પરમાત્મા રૂપી મોરલાને આપણા મનમંદિરમાં આમંત્રણ આપવા બોલવાનું છે. જય વીયરાય'!
“જગગુરુ” : જગતના ગુરુ જગતના ગ૨ એટલે ત્રણે લોકના ગુર. સમગ્ર વિશ્વના ગુરુ.
રાગ-દ્વેષ અને અજ્ઞાન, આ ત્રણ દોષોના કારણે જ જૂઠ બોલી શકાય છે. જેનામાં આ ત્રણ દોષો નથી, તેને જૂઠ બોલવાનું કોઈ કારણ જ નથી. તેઓ સદા સત્ય જ બોલે.
૫૫ સૂત્રોનારહોભાગ-૨ )
