________________
સૂત્ર-૧૯
- પ્રણિધાન સૂત્ર 'જયવીયરાય સૂત્ર
ભૂમિકા : પરમપિતા પરમાત્માની અનેકવિધ દ્રવ્યોથી સુંદર મજાની દ્રવ્યપૂજા કરી. વિધવિધ પદાર્થો વડે પરમાત્માની સુંદર અંગરચના કરી. હીરા, માણેક, મોતી વગેરેના આભૂષણોથી પરમાત્માની આંગી કરી. તે બધું કરતાં કરતાં ભક્તના હૃદયમાં ભાવોના ઉછાળા આવવા લાગ્યા.
ત્રીજી નિસીહી બોલી, ભક્ત હવે ભાવપૂજામાં મસ્ત બન્યો. ચૈત્યવંદનામાં નમુથુણં વગેરે સૂત્રો બોલતાં બોલતાં ભાવો વધુને વધુ ઉછળવા લાગ્યા. તેમાં ય પરમાત્માની સ્તવના કરતી વખતે ભક્ત હૃદય ગાંડુ બની ગયું.
આ બધી મહેનત કરવા દ્વારા, જે ફળ પ્રાપ્ત કરવાનું છે, તેનો હવે અવસર આવીને ઊભો છે. અત્યાર સુધી કરેલી બધી જ આરાધનાના અંતે હવે, ઉલ્લસિત હૃદયે આ સૂત્ર બોલવા દ્વારા, કેટલીક માંગણીઓ કરવાની છે.
પરમાત્મા પાસે આપણે અનેકવાર જઈએ છીએ. પણ શેના માટે જઈએ છીએ? તેની જ કેટલાકને ખબર હોતી નથી!
ભગવાન પાસે જઈને કાંઈ મંગાય કે ન મંગાય? મંગાય તો શું મંગાય? અને શું ન મંગાય? તેનો પણ ઘણાને ખ્યાલ હોતો નથી.
આ જયવીયરાય સૂત્રમાં આ અંગે સુંદર પ્રકાશ ફેંકવામાં આવેલ છે. પરમાત્મા પાસે જઈને, આપણે તેમની પાસે તેર પ્રકારની જુદી જુદી પ્રાર્થનાઓ કરવાની છે. તે પ્રાર્થનાઓ આ સૂત્ર દ્વારા થતી હોવાથી આ સૂત્ર પ્રાર્થનાસૂત્ર તરીકે પણ ઓળખાય છે.
અનંતા ભવોમાં પરિભ્રમણ કરીને, એટલા બધા કુસંસ્કારો આપણા આત્મામાં મજબૂત થયા છે કે, જેને લઈને ઘણીવાર આપણું જીવન વાનર કરતાં ય વધારે અટકચાળું બન્યું છે. પશુનેય નછાજે, તેવું વર્તન-કરનારું થઈ જાય છે. આ વાનરમાંથી નર બનવા માટે જરૂરી છે પ્રાર્થનાઓ આ સૂત્રમાં સૌપ્રથમ કરવામાં આવી છે.
તે છ ચીજો જો આપણને પ્રાપ્ત થાય તો જ આપણે પ્રકૃતિના માનવ બની શકીએ. માનવનો જ મોક્ષ થાય, તે વાત કબૂલ. પણ કયા માનવનો? માત્ર
૪૭ મિ. સૂત્રોનારોભાગ-૨ જી.
