Sutrona Rahasyo Part 2

SR No.: 008959
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 118
Language: Gujarati
Classification: Book_Gujarati & Religion
File Size: 3 MB

Page 51

આકૃતિના માનવનો નહિ, પણ સાથે સાથે જે પ્રકૃતિનો પણ માનવ બને તેનો. આવા પ્રકૃતિના માનવ બનવાની માસ્ટર કી આ સૂત્રમાં શરૂઆતમાં બતાડવામાં આવી છે.
- વાનરમાંથી નર બનીને બેસી રહેવાનું નથી. નર બન્યા બાદ નારાયણ પણ બનવાનું છે. માનવમાંથી ભગવાન બનવાનું છે. તે બનવા માટે જરુરી સાત વસ્તુઓની માગણી જયવીયરાય સૂત્રમાં પાછળથી કરવામાં આવી છે.
આમ, આ જયવીરાય સૂત્ર દ્વારા સૌપ્રથમ છ વસ્તુઓની પ્રાર્થના કરીને વાનરમાંથી નર બનવાનું છે તો બીજી સાત વસ્તુઓ મેળવીને નરમાંથી નારાયણ બનવાની ભૂમિકા સર્જવાની છે.
પરમાત્મા ભલે વીતરાગ છે. રાગ કે દ્વેષ તેમનામાં નથી. તેઓ તો મોક્ષમાં બિરાજમાન થયા છે. છતાં ય તેમનો પ્રભાવ અચિત્ત્વ છે. તેમને રાગ ન હોવા છતાં ય જે માનવ આ પરમાત્માનો પ્રભાવ ઝીલવા સન્મુખ થાય છે, તેની તમામ પ્રાર્થના પરમાત્માના પ્રભાવે પૂર્ણ થયા વિના રહેતી નથી.
આમ તો અગ્નિમાંય ક્યાં રાગ કે દ્વેષ છે? છતાં ય જે તેને વિધિપૂર્વક તાપે છે, તેની ઠંડી અગ્નિ ઉડાડે જ છે ને? તે માટે અગ્નિને કાંઈ તાપણું કરનાર પર રાંગ કરવાની જરૂર પડતી નથી. તે જ રીતે અગ્નિની જવાળામાં જે સીધો હાથ નાંખે છે, તેનો હાથ બળ્યા વિના ય રહેતો નથી. ના, તે હાથને બાળવા અગ્નિને કાંઈ તેના પ્રત્યે દ્વેષ કરવો પડતો નથી!
રાગ કે દ્વેષ ન હોવા છતાં ય જેમ અગ્નિનું વિધિપૂર્વક સેવન કરનાર વ્યક્તિ ઠંડી ઉડાડવા રૂપ સુંદર ફળ પ્રાપ્ત કરે છે અને વિધિપૂર્વક સેવન કરવાના, બદલે, વચ્ચે હાથ નાંખનાર પોતાનો હાથ બળવારૂપ અશુભ ફળ પામે છે, તેમ પરમાત્માને પણ જે વિધિપૂર્વક સેવે છે, પૂજે છે, આરાધે છે, તે પરમાત્માના પ્રભાવે સુંદર ફળને અચુક પ્રાપ્ત કરે જ છે, પરન્તુ જેઓ પરમાત્માની આશાતના કરે છે, તેમને તેનું અશુભ ફળ પણ મળ્યા વિના રહેતું નથી.
સૂર્ય ક્યાં ઈચ્છે છે કે હું બધાને પ્રકાશ આપું? પણ તેનો સ્વભાવ જ એવો છે કે જે તેની સન્મુખ થાય, તેને પ્રકાશ મળ્યા વિના ન રહે.
ભોજન સામગ્રી પોતે કદી ક્યાં ઈચ્છે છે કે હું શક્તિ-આરોગ્ય આપું? પણ તેનો સ્વભાવ જ એવો છે કે જે તેનું વિધિપૂર્વક (યોગ્ય પ્રમાણમાં) સેવન કરે તેને શક્તિ-આરોગ્ય વગેરે મળ્યા વિના ન રહે. બાબ
સ્ત્રોના રહસ્યોભાગ-૨ કિ