Page Text
________________
પટ) મોહની કથા ભૌતિક સુખે સુખી કે દુઃખી બનાવવાનું કામ જો વેદનીય કર્મ કરે છે તો આપણા આત્માને પાપી બનાવવાનું કામ મોહનીય કર્મ કરે છે.
આત્માને જે મુંઝાવે તે મોહનીયકર્મ. તે સાચાને ખોટું મનાવે ને ખોટાને સારું મનાવે, તે અનેક જાતની ભ્રમણાઓ આત્મામાં પેદા કરે. આ ભ્રમણાઓ જયાં સુધી દૂર થાય નહિ ત્યાં સુધી આત્માનું સંસારમાંથી પરિભ્રમણ અટકે નહિ.
દુઃખ કાઢવા જેવું છે, સુખ મેળવવા જેવું છે, ઈચ્છાઓ કરવા જેવી છે, વગેરે મોટી ભ્રમણાઓ છે. સંસારદુઃખમય હોવા છતાં સુખમય લાગે છે. સ્ત્રી વગેરે વિજાતીય તત્ત્વો બીહામણાં હોવા છતાંય સોહામણા લાગે છે. આ બધી ભ્રમણાઓ પેદા કરાવે છે મોહનીય કર્મ
સંસારમાં જીવનારાં આપણે જો સવારથી માંડીને રાત્રી સુધીના આપણા જીવનપ્રસંગોને શાન્તચિતે વિચારીશું તો લાગશે કે આવી તો અનેક ભ્રમણાઓમાં આપણું જીવન અટવાયેલું છે. ઘણી બધી ખોટી માન્યતાઓ આપણા મનમાં ઘર કરી બેઠી છે.
ક્રોધ જરાય કરવા જેવો નથી. તે કરવાથી તો વૈરનાં અનુબંધો પેદા થાય છે. બીજાના હૃદયમાંથી આપણું સ્થાન ખલાસ થાય છે. અસદ્ભાવો પેદા થાય છે. સંક્લેશની હોળીઓ સળગે છે. આવું બધું હોવા છતાં, સ્વયં આપણે તેવું અનુભવતા હોવા છતાંય ઘણીવાર ક્રોધ કરી બેસીએ છીએ એ તો ઠીક પણ તે વખતે તે ક્રોધ કરવો ખોટો લાગતો ય નથી. અરે ! કરેલા તે ક્રોધનો બચાવ પણ કરીએ છીએ.
ક્રોધ ન કરીએ તો કેમ ચાલે? જો ક્રોધ ન કરીએ તો બધા આપણી ઉપર ચડી બેસે! આ કાંઈ ક્રોધ ન કહેવાય આ તો કડકાઈ કહેવાય!આવી કડકાઈ ન કરીએ તો દુનિયામાં કાંઈ કામ જ ન થઈ શકે ! વગેરે વાક્યો આ મોહનીયકર્મ આપણી પાસે બોલાવડાવે છે.
હકીકતમાં કોઈ પાપ કરવું જ ન જોઈએ, પણ કદાચ પરિસ્થિતિવશ પાપ કરવું જ પડે તો તે પાપનો બચાવ તો કદીય ન કરવો. પાપનો બચાવ પાપને તગડું બનાવે છે. નિકાચીત કરે છે. તે તગડું થયેલું પાપ ભોગવવું જ પડે છે. તે સિવાય તે બીજી કોઈ રીતે નાશ પામતું નથી.
માટે સૌપ્રથમ તો પાપ કરવું જ નહિ. કદાચ કરવું પડે તો તેનો પાપ તરીકે સ્વીકાર કરવો. થઈ ગયેલા તે પાપનું ગુરુજી પાસે પ્રાયશ્ચિત્ત લેવું. મનોમન પણ પુષ્કળ પસ્તાવો કરવો. પરમાત્માની પાસે જઈને પણ પોતાનાથી થઈ ગયેલાં તે પાપો બદલ ચોધાર આંસુએ રડવું પણ તે પાપનો બચાવ તો કોઈ પણ સંજોગોમાં ન
કાઝાઝા ૩૫ કર્મનું કમ્યુટર ભાગ-૨ ગ્ર
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |