Page Text
________________
જ કરવો. પશ્ચાત્તાપથી તે પાપ ધોવાઈ જાય છે. પછી તે પાપના કારણે આવનારાં દુઃખો ભોગવવા પડતાં નથી.
પણ આ મોહનીય કર્મ પાપનો પાપ તરીકે સ્વીકાર કરવા દેતું નથી. તે ક્રોધને કડકાઈ, અભિમાનને સ્ટેટસ, માયાને સેલ્સમેનશીપ, લોભને ઈન્વેસ્ટમેન્ટ, રાગને આનંદ, વગેરે સુંવાળાં નામો આપીને બચાવ કરાવડાવે છે. પાપને પણ કરવા જેવા મનાવડાવે છે. માટે જ આ કર્મ બધાં કર્મોમાં સૌથી વધુ ભયાનક છે.
પેલો મહેશ્વરદત્ત! મોહનીય કર્મો જેને સંસારમાં બરોબર મુંઝાવેલો. બીહામણાં સંસારને સોહામણો મનાવેલો. તેની બુદ્ધિ ભ્રષ્ટ થઈ ગયેલી.
પ્રસંગ કાંઈક આવો છે મહેશ્વરદત્ત બ્રાહ્મણના પિતા મૃત્યુ પામીને બોકડો બન્યા. કેટલાક કાળ પછી તેની માતા પણ મૃત્યુ પામી. પોતાના ઘરમાં અત્યંત આસક્ત હોવાથી તે મૃત્યુ પામીને પોતાના ઘરની શેરીમાં કૂતરી બની.
વારંવાર ઘરમાં ખાવા -- પીવા આવે છે, પણ મહેશ્વરદત્ત તથા તેની પત્ની તેને હટ હટ કરે છે. લાકડીઓના માર મારીને કાઢે છે. છતાં આસક્તિ હોવાથી વારંવાર ઘરમાં આવે છે. બેસે છે. ભોજનમાં મોટું માંડે છે. સગો દીકરો તેને ફટકારે છે!
તેની પત્ની કુલટા હતી. તે કોઈ અન્ય પુરુષ સાથે કામક્રીડા કરી રહી હતી, તે જ સમયે અચાનક મહેશ્વરદત્ત આવી ચડ્યો. પોતાની પત્નીને તેવી હાલતમાં જોતાં જ તેને ભયાનક ગુસ્સો ચડ્યો. તરત જ તલવારના ઝાટકે તેણે તે અન્ય પુરુષને ત્યાં જ ખતમ કરી દીધો. પત્ની પર દયા આવવાથી ઠપકો આપીને છોડી દીધી.
કર્મના ગણિત નિયત હોય છે. તે પુરુષ મહેશ્વરદત્તની પત્નીમાં આસક્ત હતો, માટે મરીને તે મહેશ્વરદત્તની પત્નીના પેટમાં પોતાનાથી પેદા થયેલા ગર્ભમાં પુત્ર રૂપે ઉત્પન્ન થયો! યોગ્ય સમયે તેનો જન્મ થયો.
જે પુત્ર હકીકતમાં મહેશ્વરદત્તથી પેદા થયો જ નથી, પણ પેલા અન્ય પુરુષથી પેદા થયો છે, તેને મહેશ્વરદત્ત તો પોતાનો પુત્ર માનીને રમાડે છે, ફૂલરાવે છે ને લાડકોડથી ઉછેરે છે. વળી, તે પુત્ર પૂર્વભવમાં તો પોતાની પત્નીનો માશૂક હોવાથી પોતાનો દુશ્મન હતો, તે જ આજે તેને આંખની કીકી કરતાંય વધારે વહાલો લાગે છે, આમાં મોહનીય કર્મ સિવાય કોની કરામત સમજવી?
એમ કરતાં પિતાના શ્રાદ્ધનો દિવસ આવ્યો. શ્રાદ્ધ માટે બોકડો ખરીદવા તે મહેશ્વરદત્ત બજારમાં ગયો. સામે કોઈ કસાઈ બોકડાને લઈ જઈ રહ્યો છે. તે બોકડો દયામણી નજરે મહેશ્વરદત્તની તરફ જોઈ રહ્યો છે. મેં ક્યાંક આને જોયો છે! તેવો ઊહાપોહ થતાં બોકડાને જાતિસ્મરણ જ્ઞાન થયું. આ તો પોતાનો દીકરો જ છે, તેવું ઝાઝા ૩૬ ૪ કર્મનું કમ્યુટર ભાગ-૨
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |