________________
થાકેલી ચંદ્રાએ પણ મન પર કાબૂ ગુમાવી જવાબ આપ્યો કે, “ઊંચા અવાજે શું બરાડે છે? તારા હાથ શું કપાઈ ગયા હતા કે સીકામાં પડેલો રોટલો ખાધો નહિ?”
પરિણામ જાણો છો? ગુસ્સામાં શબ્દો તો એકબીજા માટે બોલાઈ ગયા, પણ તે વખતે જે કર્મ બંધાયું તેના પરિણામે બીજા ભવમાં બંને પતિ - પત્ની બનતાં, એકનાં કાંડાં કપાણાં તો બીજાએ ખરેખર ફાંસીના માંચડે લટવું પડ્યું!
યાદ રાખીએ કે કરેલા કર્મો કદીય કોઈને ય છોડતાં નથી. માટે જીવનમાં વિચારો - ઉચ્ચારો અને આચારો એવા કરીએ કે જેથી તેવાં ખરાબ કર્મો બંધાય જ નહિ.
તે માટે મળેલી શક્તિઓનો કદી દુરુપયોગ ન કરીએ. મળેલી જે શક્તિનો આ ભવમાં સદુપયોગ ન કરીએ, બકે દુરુપયોગ કરીએ તો તે શક્તિ પરભવમાં આપણને ન મળે.
જો આંખ વડે પરમાત્માને, કે દુખીઓનાં દુઃખોને કે ગુણીઓના ગુણોને ન જોઈએ પણ આંખો વડે ટી. વી. વીડિયો જોઈએ, પિશ્ચરો જોઈએ, બીજાના દોષો જોઈએ તો ભાવિમાં આપણને આંખ ન મળે.!
જીભથી બીજાને ગાળો આપીએ, નિંદા કરીએ પણ પરમાત્માના કે સજ્જનોના ગુણગાન ન ગાઈએ તો બીજા ભવમાં કદાચ જીભ જન મળે. આ ભવમાં કદાચ લકવો થઈ જાય તો બોલવાના ય હોશકોશ ન રહે.
માટે મળેલ કોઈ પણ અવયવોનો, સંપત્તિનો કે બુદ્ધિનો દુરુપયોગ કદી કરવો નથી તેમ નક્કી કરીએ.
જ્ઞાનાવરણીય કર્મ આંખે બાંધેલા પાટા જેવું છે. જોવાની તો શક્તિ પોતાનામાં છે, પણ આંખે પાટો બાંધ્યો હોય તો શી રીતે દેખાય? તેમવિશ્વના તમામ પદાર્થો જાણવાની શક્તિ તો આત્મામાં છે જ. પણ પાટા જેવું જ્ઞાનાવરણીય કર્મ આત્માની આડે આવી જાય તો તે જીવ પાછળ રહેલી વસ્તુને પણ જાણી શકતો નથી. માટે આ જ્ઞાનાવરણીય કર્મને આંખે બાંધેલા પાટા જેવું જણાવ્યું છે.
જ્યારે આ દર્શનાવરણીય કર્મને દ્વારપાળ જેવું કહ્યું છે. રાજાની ઈચ્છા જોવાની હોય તોય દ્વારપાળ જો આવનાર વ્યક્તિને રાજમહેલમાં પ્રવેશ ન આપે તો રાજા તેમને જોઈ ન શકે. તે રીતે આપણા આત્માની જોવાની શક્તિ - ઈચ્છા હોવા છતાં ય આ દર્શનાવરણીય કર્મનો ઉદય થાય તો આપણે જોઈ ન શકીએ.
ના ૩૦
કર્મનું કમ્યુટર ભાગ-૨
