Page Text
________________
કે મને આવું સ્વપ્ન આવ્યું હતું. પરંતુ તે સ્વપ્ન નહિ, કિન્તુ હકીકતમાં તે પ્રમાણે તેના દ્વારા જ રાત્રે ઊંઘમાં બન્યું હોય છે.
શાસ્ત્રોમાં આ થિણદ્ધિનિદ્રાના ઉદયના અનેક દૃષ્ટાન્તો નોંધાયા છે. એક મુનિવરને ગોચરી વહોરવા જતી વખતે કોઈ હાથી પાછળ પડતાં ગુસ્સો ચડેલો. રાત્રે આ થિણદ્ધિ દર્શનાવરણીય કર્મનો ઉદય થયો. ઊંઘમાં ચાલીને હસ્તિશાળા પહોંચ્યો. બે દંતશૂળ પકડી હાથીને ઊંચકીને, ભમાવીને પછાડ્યો. હાથી મરી ગયો. તેના બે દંતશૂળ લાવીને ઉપાશ્રયની બહાર ફેંકીને સૂઈ ગયો.
સવાર પડતાં પોતાના ગુરુને વાત કરી કે મને આ પ્રમાણે આજે સ્વપ્ન આવેલ છે. ગુરુએ ઉપાશ્રયની બહાર તપાસ કરાવતાં બે દંતશૂળ દેખાયા. થિણદ્ધિનિદ્રાનો ઉદય થયો છે, જાણીને તે શિષ્યને ઘરે રવાના કર્યો.
થિણદ્ધિનિદ્રાવાળાને દીક્ષા માટે અયોગ્ય જણાવેલ છે. અજાણતાં તેવી વ્યક્તિને દીક્ષા અપાઈ ગઈ હોય તો, જ્યારે ખ્યાલ આવે ત્યારે તેને પાછો ઘરે રવાના કરવો પડે, એક વાર એક સાધુને સાથે રહેલા સાધુઓ સાથે બોલાચાલી થયેલી. રાત્રે શિવમંદિરમાં ઉતારો થયો. તે સાધુને થિક્રિનિદ્રાનો ઉદય થયો. ઊભા થઈને, લટકતી તલવાર લઈને, કેટલાક સાધુઓનાં ધડ ઉપરથી મસ્તક દૂર કરી દીધાં. તલવાર એક બાજુ ફેંકીને પાછો સૂઈ ગયો. સવારે ઊઠીને પોતાને આવું સ્વપ્ન આવ્યું હતું, તેવી વાત કરતાં બધો રહસ્યસ્ફોટ થયો. તેને ઘરે મોકલવો પડ્યો.
જો ખાવાનું વિચારેલ હોય તો રાત્રે ઊંધમાં આ કર્મનો ઉદય થતાં તે ખાઈને આવીને સૂઈ જાય. સ્નેહની તીવ્રતાપૂર્વક સૂઈ ગયો હોય તો અડધી રાતે આ કર્મનો ઉદય થતાં ઈચ્છિત વ્યક્તિને આલિંગન પણ કરી આવે.
માત્ર આ થિદ્ધિ નિદ્રા જ ખરાબ છે; એમ નહિ, પાંચે પાંચ નિદ્રા ખરાબ છે. તેમાંથી એકે ય નિદ્રાને ઈચ્છવા જેવી નથી. કેમ કે તે સર્વધાતી છે. તેના ઉદયમાં દર્શનની લબ્ધિ સંપૂર્ણપણે હણાઈ જાય છે.
વિશિષ્ટ તાકાતનો સ્વામી દારાસીંગ ! એક સાથે ૧૦૦ જણને હરાવી દે. કોઈ તેની સામે જીતી ન શકે. તેને મારવા આવનાર બિચારાના જ રામ રમી જાય; બરોબર ને?
ન
પણ તે દારાસીંગ જ્યારે ઘસઘસાટ સૂઈ ગયો હોય ત્યારે નાનકડો આઠ વરસનો છોકરો ય તેને ખંજર હુલાવીને યમસદનમાં મોકલી શકે. તે વખતે દારાસીંગ તેને કાંઈ ન કરી શકે. કેમ ? ક્યાં ગઈ એની તે તાકાત ? કહો કે ઊંઘવાના કારણે તેની તાકાત પણ તેના ઉપયોગમાં ન આવી શકી !
# ૨૮ } કર્મનું કમ્પ્યુટર ભાગ-૨
HEYBEEBE
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |