Page Text
________________
શું કાળી ચામડીવાળા બધા ખરાબ જ હોય ? શું ધોળી ચામડીવાળા બધા સારા જ હોય ? અરે ! ક્યારેક તો કાળી ચામડીવાળામાં જે ગુણો હોય છે તે ધોળી ચામડીવાળામાં જોવા નથી મળતાં ! ક્યારેક અભણોમાં જે અમીરી દેખાય છે તે શ્રીમંતોમાં નથી દેખાતી ! અરે ! શ્રીમંત યુવાનો તો ક્યારેક લફરાબાજ, દારુડીયા, ખોટા રસ્તે પહોંચેલા પણ હોય છે. માટે રૂપ કે રૂપીયાના આધારે પસંદગી કરાય જ નહિ. જો ધોળી ચામડીવાળાની જ પસંદગી કરાતી હોય તો ગધેડીની ચામડી ઘણી ધોળી છે ! તેની સાથે જ તે યુવાનીયાએ લગ્ન ન કરવા જોઈએ ?
શરીરમાં આ કાળા – ધોળાપણું, સુગંધ – દુર્ગંધપણું, હુંફાળા – ઠંડા સ્પર્શવાળાપણું પેદા કરનાર જે કર્મો છે તેમના નામ છે વર્ણનામકર્મ, રસનામકર્મ, ગંધનામકર્મ અને સ્પર્શનામકર્મ,
(૯) વર્ણનામકર્મ :- પાંચ પ્રકારનું છે. (A) રક્ત (લાલ) વર્ણનામકર્મ (B) નીલ (લીલો) વર્ણનામકર્મ (C) પીત (પીળો) વર્ણનામકર્મ (D) શ્વેત (સફેદ) વર્ણનામકર્મ અને (E) શ્યામ (કાળો) વર્ણનામકર્મ. આ કર્મ શરીરના જુદા જુદા અવયવોને જુદો જુદો રંગ આપવાનું કામ કરે છે. માત્ર મનુષ્ય જ નહિ, એકેન્દ્રિયથી માંડીને તમામે તમામ જીવોના શરીરોના જુદા જુદા રંગો આ કર્મને આભારી છે. વનસ્પતિના પાંદડા લીલા, ફુલો લાલ - લીલા - પીળા વગેરે રંગબેરંગી કરવાનું કાર્ય આ કર્મનું છે. ચંપો પીળો હોય, ગુલાબ ગુલાબી હોય, જાસુદ લાલ હોય, મોગરો સફેદ હોય, મરવો લીલો હોય, કારણ કે તેમને તે તે વર્ણનામકર્મનો ઉદય હોય છે.
આ વર્ણનામકર્મના પ્રભાવે એક જ શરીરના જુદા જુદા અવયવોમાં જુદા જુદા રંગો પણ પેદા થઈ શકે. જેમ કે ભમરો ભલે કાળો મનાતો હોય છતાં એનું મોઢું પીળા રંગનું હોય છે. લોહી લાલ રંગનું હોય છે. પોપટની પાંખો વગેરે ભલે લીલા રંગની હોય છતાં તેની ચાંચ લાલ રંગની હોય છે. માણસની શરીરની ચામડી ગોરી હોય તો ય માથાના વાળ કે આંખની કીકી કાળા રંગની, લોહી લાલ રંગનું હોય છે. છતાં ય દુનિયામાં વ્યવહારો તો મુખ્ય રંગના આધારે જ કરવામાં આવે છે. તેથી ભમરો કાળો કહેવાય છે, તો પોપટ લીલો મનાય છે.
આ સમગ્ર જીવસૃષ્ટિના જાતજાતના રંગના મૂળમાં આ વર્ણનામકર્મ કારણ છે. તે પૌદ્ગલિક છે. આત્મકલ્યાણની ઝંખના ધરાવનારે તેને જરાય મહત્ત્વ આપવા જેવું નથી. શરીરના રૂપ – રંગને મહત્ત્વ આપીને રાગ – દ્વેષ કરનારા જીવોને ઉપદેશ આપતાં કોઈકે સરસ વાત કરી છે કે,
કર્મનું કમ્પ્યુટર ભાગ-૩ લ
૩૮
| SR No. | 008957 |
| Book Title | Karmanu Computer Part 2 3 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 226 |
| Language | Gujarati |
| Classification | Book_Gujarati & Karma |
| File Size | 5 MB |