Page Text
________________
જોઈએ. અને સત્વરે કંદમૂળના ત્યાગનો અને ઉકાળેલું પાણી પીવાનો નિયમ ગ્રહણ કરવો જોઈએ.
નામકર્મ ચિતારા જેવું છે. તે મુખ્યતઃ શરીર ઉપર પોતાની અસર બતાવે છે. તેથી તેના પેટાભેદોની સંખ્યા સૌથી વધારે ૧૦૩ છે.
કોઇને દેવગતિમાં, તો કોઈને માનવગતિમાં, કોઈને કૂતરા-બિલાડાના અવતારવાળી તિર્યંચગતિમાં તો કો'કને ભયાનક દુઃખોવાળી નરકગતિમાં લઈ જાય છે : તે તે પ્રકારનું ગતિનામ કર્મ (૧થી ૪)
કોઈક એકેન્દ્રિય બને છે તો કોક બેઇન્દ્રિય, કો'ક તેઈન્દ્રિય, ચઉરિન્દ્રિય કે પંચેન્દ્રિય બને છે, તેમાં મહત્ત્વનો ભાગ ભજવે છે : તે તે પ્રકારનાં જાતિનામકર્મ (પથી ૯).
મનુષ્ય-તિર્યંચને ઔદારિકશરીર પ્રાપ્ત થાય છે, તો અનેક રૂપો ધારણ કરી શકાય તેવું વૈક્રિય શરીર દેવ-નારકને મળે છે. આમર્પોષધીવાળા ચૌદ પૂર્વધર મહાત્માઓ મહાવિદેહમાં સીમંધરસ્વામી ભગવાનની પાસે ઋદ્ધિ જોવા કે પ્રશ્ન પૂછવા આહારક શરીર બનાવે છે તો તૈજસશરીર ખાધેલું ભોજન પકવે છે. આત્મા ઉપર જે કર્મો ચોટે તેનાથી કામણશરીર તૈયાર થાય છે. આ પાંચે શરીરમાંથી ઓછા-વત્તા શરીર જીવને પ્રાપ્ત કરાવે છે તે તે નામના શરીરનામકર્મ (૧૦થી ૧૪).
તૈજસ અને કાર્મણ શરીરમાં આંગોપાંગ હોતાં જ નથી. બાકીના ત્રણ શરીરમાં જુદા જુદા આંગોપાંગ તૈયાર કરવાનું કામ કરે છે તે તે નામનું આંગોપાંગનામકર્મ (૧પથી ૧૭).
પાંચે શરીર માટે કાચો માલ ભેગો કરવાનું કાર્ય પાંચ સંઘાતનનામકર્મ (૧૮થી ૨૨) કરે છે. તો તે શરીરો સાથે તે તે કાચામાલને જોડવાનું કામ કરે છે. બંધનનામ કર્મ. તે (૨૩થી ૩૭) પંદર પ્રકારનું છે.
દુનિયામાં દરેક વ્યક્તિના શરીરના હાડકાનો બાંધો સરખો નથી હોતો. કોકનો બાંધો ખૂબ મજબૂત હોય છે તો કો'કનો ખૂબ નબળો. ઓછીવત્તી મજબૂતી ધરાવતા જુદા જુદા છ પ્રકારના બાંધાને પેદા કરે છે : છ પ્રકારના સંઘયણનામકર્મ (૩૮થી ૪૩) - દુનિયામાં કોક ઠીંગજી હોય છે તો કોકને ખૂંધ નીકળી હોય છે. કોકનું શરીર બેડોળ હોય છે તો કોકનું શરીર સમપ્રમાણ હોય છે. આવી જુદી જુદી છ પ્રકારની શારીરિક આકૃતિ અપાવનાર છ પ્રકારના કર્મોના નામ છે : સંસ્થાનનામકર્મ (૪૪થી ૪૯).
૧૧૦ ] કર્મનું કમ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |