________________
કદાચ અન્ય કાર્યો માટે કાચા પાણીનો ના છૂટકે ઉપયોગ કરવો પડે તોપણ ઓછામાં ઓછું પાણી વાપરવું જોઈએ. જરૂર કરતાં સહેજ પણ વધારે પાણી વપરાઈ ન જાય તેની કાળજી રાખવી જોઈએ.
કાચા પાણીના એક ટીપામાં અસંખ્યાતા જીવો શી રીતે રહી શકે ? સોયની ઉપરના તીર્ણ નાના ભાગમાં અનંતા જીવો શી રીતે રહી શકે ? તેવી શંકા કરવાની જરાય જરૂર નથી.
કોઈ એક ટાંકીમાં પાણી ભરેલું છે. તેમાં જુદા જુદા દસ પ્રકારની દવાઓ નાખી પાણીને હલાવી દીધું. હવે તેમાં એક સોય ઝબોળી. સોયની ઉપરના ભાગને અડેલા પાણીના ટીપામાં કેટલા પ્રકારની દવા છે? તેવા સવાલનો જવાબ દસ આપશો ને?
પણ જો તે પાણીમાં અનંત પ્રકારની દવાઓ મીક્ષ કરીને, તેમાં સોય ઝબોળવામાં આવે તો સોયના અગ્રભાગે લાગેલા પાણીના ટીપામાં કેટલા પ્રકારની દવાઓ હોય? અનંતા પ્રકારની જ ને?
જો સોયના અગ્રભાગે રહેલા પાણીના ટીપામાં અનંતી દવા રહી શકે તો સોયના અગ્રભાગે રહેલા બટાકા વગેરે કંદમૂળના ભાગમાં અનંતા જીવો કેમ ન રહી શકે? સોયના અગ્રભાગે રહેલા પાણીના ટીપામાં અસંખ્યાતા જીવો કેમ ના રહી શકે ?
એક બીજું ઉહાદરણ જણાવું. એક રૂમમાં એક બલ્બ ચાલું છે. તેનો પ્રકાશ આખા રૂમમાં ફેલાય ને?
હવે જો તે રૂમમાં નાના નાના ૫૦ બલ્બ ચાલુ કરવામાં આવે તો તે રૂમના પ્રત્યેક ભાગમાં જે પ્રકાશ ફેલાયો છે, તે પચાસે ય બલ્બનો છે, એમ કહી શકાય ને?
અને ધારોકે અનંતા બલ્બોને તે રૂમમાં ગોઠવીને ચાલુ કરવામાં આવે તો તે અનંતા બલ્બોનો પ્રકાશ પણ તે રૂમમાં સર્વત્ર છવાઈ જાય ને?
તે વખતે એક નાની છોકરી હાથમાં સોય લઈને તે રૂમમાં પ્રવેશ કરે તો તે છોકરીના હાથમાં રહેલી સોયના અગ્રભાગ ઉપર જે પ્રકાશ છે, તે પ્રકાશ કેટલા બલ્બનો ગણાય?
અનંતા બલ્બોનો જ ને?
જો સોયના અગ્રભાગ ઉપર અનંતા બલ્બોનો પ્રકાશ રહી શકે તો અનંતા જીવો કેમ ના રહી શકે ?
તેથી પાણીના એક ટીપામાં અસંખ્યાતા જીવો છે અને સોયના અગ્રભાગે રહેલા બટાકા વગેરે કંદમૂળના નાનકડા અંશમાં પણ અનંતા જીવો છે, તે વાત માનવી જ
નામકર્મ ૩ ૧૦૯
