Page Text
________________
કરે તોપણ તે સ્વીકારી લે છે, સાચી માને છે, તેમાં તેના મિત્રોનું આદેય નામકર્મ કારણ છે.
તેથી જો આપણી વાતો સર્વગ્રાહ્ય બને તેવી આપણી ભાવના હોય તો આપણે અનાદેય નામકર્મનો નાશ કરવો જોઈએ અને આદેય કર્મને ઉત્પન્ન કરવું જોઈએ. પરન્તુ આપણી સારી સલાહને પણ ન સ્વીકારનાર આશ્રિત વર્ગ ઉપર ગુસ્સો તો ન
જ કરાય.
કોઈકનો કંઠ ઘોઘરો હોવા છતાં સાંભળવો ગમે તો તેનું સુસ્વર નામકર્મ, અને જો સૂરીલો કંઠ હોવા છતાં બીજાને અપ્રિય બનતો હોય તો તેનું દુસ્વર નામકર્મ ઉદયમાં છે તેમ સમજવું.
ક્યારેક કોઈક વ્યક્તિ ફરિયાદ કરે છે કે, હું મારા આખા કુટુંબ માટે ઘસાઉં છું, બધાનાં કામો ડી છૂટું છું, મારી જાતનું ખોઈને કુટુંબનું, જ્ઞાતિનું, સમાજનું, ગામનું કે સંઘનું કામ કરું છું. તે માટે મારા શરીરની, ધનની કે કુટુંબની સામે પણ જોતો નથી, છતાં મને યશ નથી મળતો. બધા અપયશ જ આપે છે. જશા બદલે જુતિયાં મળે છે. શું કરું ? સમજાતું નથી. ..વગેરે...
જો નિઃસ્વાર્થપણે બીજાનું કામ કરી છૂટવા છતાંય યશના બદલે અપયશ મળતો હોય તો તેમાં કોઈને ય ગાળ દીધા વિના પોતાના અપયશનામકર્મને દૂર કરવાનો પ્રયત્ન કરવો જરૂરી છે.
જ્યારે, કેટલીક વ્યક્તિઓને ચારે બાજુથી યશ મળ્યા કરતો જણાય છે. કામ કોઈ બીજા કરે અને યશ પોતાને મળે ! આવું થવા પાછળ તે વ્યક્તિનું યશનામકર્મ જવાબદાર છે.
જૈન માત્ર કંદમૂળનું કદી સેવન ન કરે. બટાકા, કાંદા, લસણ, શક્કરિયાં, ગાજર, આદું, સૂરણ, બીટ કે મૂળાને કદી મુખમાં ન નાખે, કારણ કે સોયના ઉપરના ભાગમાં આ બધી વસ્તુઓનો જેટલો ભાગ રહે તેમાં અનંતા જીવો છે. તે અનંતાજીવો એક શરીરમાં એકી સાથે રહે છે. તેમને એક શરીરમાં એકી સાથે રાખનારું કર્મ છે સાધારણ નામકર્મ.
કાચા પાણીના એક ટીપામાં પાણીના જીવોના અસંખ્યાતા શરીરો છે. દરેક શરીરમાં એકેક જીવ છે. એક શરીરમાં એક જીવને રાખનાર પ્રત્યેક નામકર્મ છે. કાચા પાણીના એક ટીપાનો ઉપયોગ કર્યો એટલે અસંખ્યાતા જીવોનો કચ્ચરઘાણ બોલાઈ ગયો. તેથી તો પાણીના જીવોની રક્ષા કરવા માટે રોજ ઉકાળેલું પાણી જ વાપરવું જોઈએ.
૧૦૮ B
કર્મનું કમ્પ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |