________________
૧
| નામકમી
દુનિયામાં અનેક પ્રકારની ચિત્ર-વિચિત્ર ઘટનાઓ બનતી અવાર નવાર સંભળાયા કરે છે. ભલે તે ઘટનાઓ વાંચવા-સાંભળવાથી આપણને આશ્ચર્ય થતું હોય, પણ હકીકતમાં આશ્ચર્ય પામવા જેવું કાંઈ જ હોતું નથી; કારણ કે એ બધું કર્મના ગણિત પ્રમાણે જ થાય છે.
કદાચ બ્રહ્મા ભૂલ કરી બેસે, કદાચ વિષ્ણુજી થાપ ખાઈ જાય, કદાચ શંકરજીને કોઈક ભ્રમ થાય તેવું બને, પરંતુ કર્મસત્તાની કદીપણ કોઈ ભૂલ થતી જ નથી. તે તો છે કપ્યુટર જેવી, જે પ્રમાણે ઈનપુટ ફીડ કરવામાં આવે તે પ્રમાણે જ ગણિત થઈને આઉટપુટ મળે.
ત્રણ શીંગડાંવાળી ગાય જોવા મળે, એક ધડ અને બે માથાંવાળો બાળક જન્મ્યો તેવું સાંભળવા મળે, વિચિત્ર અવયવોવાળી છોકરીનું અસ્તિત્વ જાણવા મળે તો તેમાં નામકર્મની કરામત છે તેમ સમજી લેવું.
આ દુનિયાની રંગભૂમિ ઉપર જુદા જુદા વેશમાં આપણને આ નામકર્મ નચાવી રહ્યું છે.
અંગ્રેજોને ગોરી ચામડીવાળા, ચીનાઓને પીળી ચામડીવાળા કે હબસીઓને કાળી ચામડીવાળા બનાવવામાં આ નામકર્મનો હિસ્સો છે.
કોયલને મીઠો કંઠ આપવામાં તો કાગડાને કર્કશ વાણી આપવામાં પણ નામકર્મ ભાગ ભજવે છે.
લીંબુ ખાટું જ કેમ ? કેરી મીઠી કેમ? કારેલાને કડવા કોણે કર્યું? અને નામ “મીઠું હોવા છતાં તે ખારું શાને? શું આ બધામાં ભગવાનની ઇચ્છા કારણ છે? ના, જરાય નહિ ! કર્મરાજની આ કરામત છે. નામકર્મે પડદા પાછળ રહીને આ બધી વિલક્ષણતાઓને સર્જી છે.
હાથીનું શરીર આટલું બધું મોટું અને કીડીનું શરીર આટલું બધું નાનું કેમ? પોતાના કોમળ અવયવોનું રક્ષણ કરી શકાય તેવું સુંદર ઢાળવાળું શરીર કાચબાને કોણે આપ્યું? આકાશમાં ઊડી શકાય તે માટે પક્ષીઓનું પાંખવાળું શરીર કોણે બનાવ્યું? હિંસક પ્રાણીઓનાં શરીરમાં નહોર અને પંજા કોની દેન છે? કોઈને આંખો મળી ને કોઈને ન મળી, તેમાં કોનો પ્રભાવ? આવા શરીર અને તેના ગુણધર્મો
૧૦૬ ૩ કર્મનું કમ્યુટર
