Page Text
________________
વળી કેરોસીન છાંટીને બળી મરવાના, ગળે ફાંસો ખાઈને ખતમ થવાના, ટ્રેન નીચે કચડાઈને મરી જવાના, સાતમા માળેથી કૂદકો મારીને આપઘાત કરવાના, ઝેરી દવાઓ લઈને પરલોક સીધાવી જવાના પ્રસંગો પણ સાંભળવા મળે છે. તેથી પ્રશ્ન ઉપસ્થિત થાય કે શું આ બધા જીવો આ ભવ માટેનું બાંધેલું આયુષ્ય પૂરેપૂરું ભોગવીને જ મર્યા કે તેમનું કેટલુંક આયુષ્ય ભોગવવાનું બાકી રહી ગયું?
તે જ રીતે, જે જીવે પૂર્વભવમાં આ ભવ માટે ૭૦ વર્ષનું આયુષ્ય બાંધ્યું છે, તે આ ભવમાં ૭૦ વર્ષ જીવે જ ને? ૭૦ વર્ષ પૂર્વ તે ઝેર ખાય તો ય જીવે ? પેટમાં છરો હુલાવી દે તો ય જીવે? તેનું મોત ૭૦ વર્ષ પૂર્વે ન જ થાય ને? જેણે જે આયુષ્યકર્મ બાંધ્યું હોય તે પૂરેપૂરું ભોગવવું જ પડે ને?
- ઉપરોક્ત તમામ પ્રશ્નોનો જવાબ ટૂંકમાં એ છે કે, દરેક જીવે બાંધેલું દ્રવ્યઆયુષ્ય પૂરેપૂરું ભોગવવું જ પડે. દ્રવ્ય-આયુષ્ય ભોગવ્યા વિના કોઈનું ય મોત ન થાય. પરન્તુ કાળ-આયુષ્ય પૂરેપૂરું ભોગવાય પણ ખરું અને ક્યારેક પૂરેપૂરું ન પણ ભોગવાય. કાળ-આયુષ્ય પૂર્ણ થયા પહેલાં પણ મોત થઈ શકે. - છગનભાઈને હૉસ્પિટલમાં દાખલ કરવામાં આવ્યા છે. તેમના છેલ્લા શ્વાસોશ્વાસ ચાલી રહ્યા છે. તે વખતે તેમણે પછીના મનુષ્યભવનું ૭૦ વર્ષનું આયુષ્ય બાંધ્યું એટલે કે તેમણે તે વખતે આયુષ્ય કર્મરૂપે કાર્મણ રજકણોનો જે જથ્થો ગ્રહણ કર્યા તે પછીના ભવમાં આત્મામાંથી ક્રમશઃ છૂટો પડતાં ૭૦ વર્ષ લાગશે. આ ૭૦ વર્ષ તે કાળ-આયુષ્ય અને ૭૦ વર્ષ સુધી ધીમે ધીમે છૂટો પાડનારો જે કાર્મણરજકણોનો જથ્થો તે દ્રવ્ય - આયુષ્ય.
છગનભાઈ મૃત્યુ પામ્યા. અમદાવાદમાં ગર્ભશ્રીમંતના ત્યાં તેમનો જન્મ થયો. ૭૦ વર્ષનું કાળ-આયુષ્ય તેમણે પસાર કરવાનું છે. અભય નામ પડ્યું છે. લાડકોડમાં ઊછરી રહ્યો છે. સમય વહી રહ્યો છે. પ્રત્યેક સમયે દ્રવ્ય આયુષ્ય (કાશ્મણ રજકણોનો જથ્થો) ઘટી રહ્યું છે....
જો આ રીતે જ ચાલશે તો અભયની ઉમર ૭૦ વર્ષની ક્યારે થશે ત્યારે દ્રવ્ય આયુષ્ય અને કાળ આયુષ્ય બંને પૂર્ણ થતાં તેનું મૃત્યુ થશે.
પણ જો વચ્ચે જ તેને કેન્સર થઈ જાય, હાર્ટ-એટેક આવી જાય, તે આપઘાત કરવાનો પ્રયત્ન કરે તો તેવા વખતે તેના આત્મા ઉપર રહેલા આયુષ્ય-કર્મની રજકણોના જથ્થા ઉપર ધક્કો લાગે અને તે ધક્કો લાગતાં, જે રજકણો ધીમે ધીમે ખરીને છૂટી પડવાની હતી, તે એક સાથે છૂટી પડી જાય. અને તેમ થતાં ૩૫ વર્ષની ઉંમરે જ તમામ જથ્થો છૂટો પડી જવાથી, દ્રવ્ય આયુષ્ય પૂર્ણ થાય અને તે મરી જાય. આવા પ્રસંગે પણ દ્રવ્ય આયુષ્ય તો પૂર્ણ કર્યું જ, પરન્તુ ૭૦ વર્ષ રૂપ કાળ આયુષ્ય
આયુષ્યફર્મ ૧૦૧
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |