________________
પછી એની નજરે આવ્યો પિસ્તાલીસ વર્ષની વયનો કાળ ! એણે નિઃસાસો નાખી દીધો ! વૈભવનો સૂર્ય અસ્તાચલ તરફ ઢળવાની તૈયારીમાં જોયો !
સુરા-સુંદરી અને સંપત્તિની રસલોલુપતાએ એના જીવનને રફેદફે કરવા માંડ્યું. એનું કૌટુમ્બિક સુખ વેરણ-છેરણ થઈ ગયું ! એનું શારીરિક સુખ લથડિયા ખાવા લાગ્યું.
વૈભવનો સૂર્ય અસ્તાચલને અડી ગયો ! એક કરોડપતિ શ્રીમંત ભિખારી બન્યો ! સહુથી તરછોડાયો !
બધી રીતે નિચોવાઈ ગયેલો એક માનવ પાઉના ફટકા માટે કરુણ સ્વરે યાચનાઓ કરતો નજરે પડવા લાગ્યો.
કોઈનો લાડકવાયો, કેટલાયનો જિગરજાન મિત્ર, ચાર દીકરાનો બાપ, હુવાળો - સહુવિહોણો બન્યો ! આંખ સામેથી જીવનના સિનેમાની રહીખિલ પસાર થઈ ગઈ !
ત્યાં એક જોરદાર ફટકો બરડે ઝકાયો { “હરામખોર કહીંકા, સાહબકા આનેક સમય હો ચુકી ય ! કમબત્ત ! તેરે પાપો હમારા સત્યાનાશ નિલ જાયેગા ! ઊઠતા હય યા નહિ ?” કોધથી લાલપીળો થઈ ગયેલો આરબ સત્તાવાહી સૂરે બોલ્યો.
પણ હવે ઊઠે એ બીજા. ઊઠીને જવું ય ક્યાં ? મોત નાચતું નાચતું નજદીક આવતું હતું.
“બેવકુફ, તું નહિ ઊઠેગા, ક્યાં ? તો લે” કહીને ચાર ઇંચ જાડો ઠંડો માથે ઝીંકી દીધો. ચીસ પાડતો ભિખારી ત્યાં જ ઢળી પડ્યો !
ખોપરી ફાટી ગઈ. લોહીનું ખાબોચિયું થઈ ગયું. સમડી અને ગીધનાં ટોળા આકાશમાં ચક્કર દેતાં નીચે ઊતરી પડ્યાં. આરબ ગાળો દેતો ચાલ્યો ગયો. પક્ષીઓએ મિજબાની ઊડાવી. કૂતરાઓને મોજ મળી. ત્રીજો દિવસ થયો. ત્યાં પડ્યું હતું માત્ર હાડપિંજર !
૨
ફર્મનું કમ્યુટર
