________________
આયુષ્યકર્મે પોતાનો પરચો તેમને પણ બતાડયો. તેઓએ પણ મરવું પડ્યું જ. તે મોત તેમને મોક્ષ અપાવનાર થયું તે વાત જુદી.
આ આયુષ્યકર્મે સગરચક્રવર્તીના ૬૦,૦૦૦ પુત્રોને પણ ન છોડ્યા. એકી સાથે બધાને મૃત્યુબિછાને પોઢાડી દીધા !
નહોતું મરવું પેલા વડોદરા નરેશ ગાયકવાડને! નહિ મરવા માટે રોજના ૧૦૦૧૦૦ રૂ ના ઇજેકશન તેઓ લેતા. છતાં ય એક દિન આ આયુષ્યકર્મે પોતાનો દંડો ઝીંકયો. અનિચ્છાએ પણ તેમણે પરલોકપ્રયાણ કરવું પડયું.
પેલો સમ્રાટ સિકંદર ! પોતાને કોઈ કદી ને મારી નાંખે તે માટે અનેકોને મારનારો...! પણ તેની ય સદા અમર રહેવાની ભાવના સાકાર ન થઈ. છેવટે તેણે ય માંદગીના બિછાને પોઢવું પડ્યું. વૈદ્યો અને હકીમોના ઉપચારો નાકામિયાબ નીવડયા. તેનું મહાપરાક્રમી સૈન્ય બાઘુ બનીને જોતું રહી ગયું. તેની મબલખ સંપત્તિ પણ તેને ઉગારી ન શકી. ખાલી હાથે આવેલા આ સિકંદરે છેવટે આ આયુષ્યકર્મના પ્રભાવે ખાલી હાથે જ આ દુનિયામાંથી પરલોક ભણી પ્રયાણ કરવું પડ્યું. છેલ્લે છેલ્લેય તેને સાચી સમજણ મળી જેથી તેના મુખમાંથી નીચેના શબ્દો સરી પડ્યો.
સિકંદરનું ફરમાન ! મારા મરણે વખતે બધી મિલકત અહીં પધરાવજો, મારી નનામી એ જ કબ્રસ્તાનમાં લાવજો. જે બાહુબળથી મેળવ્યું તે ભોગવી પણ ના શક્યો, અબજોની દોલત આપતાં પણ આ સિકંદર ના બચ્યો. મારું મરણ થાતાં બધાં હથીયાર લકર લાવો. પાછળ રહે મૃતદેહ, આગળ સર્વને દોડાવજો, આખા જગતને જીતનારું સૈન્ય પણ રડતું રહ્યું વિકરાળ દળ ભૂપાળને નહિ કળથી છોડી શકાયું મારા બધા વૈદ્યો અને હકીમોને અહીં બોલાવજો મારો જનાજો એ જ વૈદ્યોને ખભે ઉપડાવજો કહો દર્દીઓના દર્દને, દફનાવનારું કોણ છે ? દોરી તૂટી આયુષ્યની તો સાંધનારું કોણ છે ? બાંધી મુઠ્ઠી રાખીને જીવો જગતમાં આવતા ને ખાલી હાથે આ જગતથી, જીવો સૌ ચાલ્યા જતા.
આયુષ્યકર્મ ૯૭
