Page Text
________________
આત્મા તો નિત્ય છે. નથી તેની કદી ઉત્પત્તિ થતી કે નથી કદી તેનો નાશ થતો. છતાંય આ આત્માએ શરીર ધારણ કરીને પછી મરવું પડે. જીવનલીલા સમેટી લેવી પડે. દુનિયામાં મરી ગયો તેવી તેની જાહેરાત થાય તે અવિનાશી એવા આત્માનું પાંચમું કલંક !
અને આ મરણ પણ જો રિબામણભરપૂર હોય, રોગો ઘેરી વળ્યા હોય, પીડાનો પાર ન હોય તો સદાના સાચા આનંદમય આત્માને રિબામણ ભરપૂર મોત મળે તે આત્માનું છઠું કલંક !!
આમ (૧) જન્મ અને (૨) તે પણ ઇચ્છા વિનાનો,(૩) જીવન અને (૪) તે પણ પાપમય,(૫) મરણ અને (૬) તે પણ રિબામણમય; એમ છ-છ કલંકો આપણા આત્માને વળગી ચૂક્યાં છે. આ કલંકો લગાડનાર છે કોણ?
ઇચ્છા વિનાના જન્મો લેવાની આપણને ફરજ પાડે છે આ આયુષ્ય કર્મ.
જન્મ લીધા પછી, ગમે તેટલી મરવાની ઇચ્છા હોય તોપણ તે જ જીવનમાં જકડી રાખવાનું કાર્ય પણ કરે છે આ આયુષ્ય કર્મ.
અને ગમે તેટલી જીવવાની ઈચ્છા હોય તોપણ મરણનું શરણ સ્વીકારવાની ફરજ પણ પાડે છે આ આયુષ્ય કર્મ.
આત્મા રૂપી સૂર્યનો પ્રકાશ જેવો ગુણ છે અક્ષય સ્થિતિ. આત્માએ કદી પણ જન્મ-જીવન-મરણની ઘટમાળમાંથી પસાર થવાનું હોય જ નહિ. પરંતું આત્મા રૂપી સૂર્યની આગળ આવેલું આ આયુષ્યકર્મ રૂપી વાદળ આત્માને જન્મ-જીવન અને મરણની ઘટમાળમાં પસાર કરે છે. ઈચ્છા વિનાના જન્મો તેના માથે ઝીલે છે. પાપમય જીવનની ભેટ ધરે છે. અને છેલ્લે ભયંકર રિબામણમય મોતના બિછાને પોઢાવે છે.
આસો વદી અમાવસ્યાનો સમય છે. પરમાત્મા મહાવીરદેવ છેલ્લી સોળ પ્રહરની દેશના વહાવી રહ્યા છે. ઇન્દ્ર મહારાજા પણ પરમાત્માનો નિર્વાણકાળ નજીક જાણીને આવ્યા છે.
ઊભા થઈને બે હાથ જોડીને પ્રભુજીને વિનંતી કરે છે. પ્રભો! આપનું આયુષ્ય બે ક્ષણ વધારી દો. ભસ્મરાશી ગ્રહનો ઉદય થવાનો છે. જો આપ કૃપાળુની અમીદ્રષ્ટિ તેની ઉપર પડે તો જે ખરાબ પરચો જૈન શાસન-સંઘને તે બતાડવાનો છે તેમાં ઘટાડો થઈ જાય.
પણ પરમાત્માએ કહ્યું કે, હે ઇન્દ્ર! તે કદી ન બની શકે. તીર્થકરો પણ પોતાનું આયુષ્ય વધારવા સમર્થ નથી.
પ્રભુવીર પણ જયાં સુધી મોક્ષમાં નહોતા પહોંચ્યા, સંસારમાં હતા, ત્યાં સુધી
૯૬ 3 ફર્મનું કમ્યુટર
| SR No. | 008956 |
| Book Title | Karmanu Computer Part 1 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskrutirakshak Dal |
| Publication Year | |
| Total Pages | 188 |
| Language | Gujarati |
| Classification | Book_Gujarati & Karma |
| File Size | 4 MB |