________________
મહારાજ સાહેબ,
શીલ-સદાચાર-સંસ્કાર-ધર્મને જીવનમાં અમલી બનાવવાની અંતરની તીવ્રતમ ઇચ્છા હોવા છતાં અમે જે વાતાવરણમાં જીવી રહ્યા છીએ એ વાતાવરણ એટલું બધું વિષમ-વિચિત્ર અને વિકૃત છે કે એ ઇચ્છાને અમે અમલી બનાવી શકતા જ નથી. કોઈ અન્ય વિકલ્પ છે ખરો ?
કાર્તિક, તું કલક નો રહેવાસી પણ છે અને ક્રિકેટનો રસિયો પણ છે એનો મને ખ્યાલ છે. કલકત્તાના ઈડન ગાર્ડનમાં રમાતી દરેક ટેસ્ટ મૅચ જોવા તું અચૂક જાય છે એ ય હું જાણું છું. જવાબ આપ તું. ઈડન ગાર્ડનના ૧,00,000 દર્શકો ક્રીઝ પર રહેલા ભારતના બૅટ્સમૅનને ભારે પોરસ ચડાવતા હોવા છતાં ય બૅટ્સમૅન શૂન્ય રનમાં આઉટ થઈ જાય એવું બની શકે ને? વિદેશના ખેલાડીનો એ દર્શકો હુરિયો બોલાવતા હોય અને છતાં એ બૅટ્સમૅન સેગ્યુરી લગાવી બેસે એવું ય બની શકે ને? આનો અર્થ? આ જ કે વાતાવણ અનુકૂળ હોવા છતાંય બૅટ્સમૅન શૂન્ય રનમાં આઉટ થઈ શકે છે
