Papane Bandhyu Paniyaru

SR No.: 008918
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2009
Total Pages: 163
Language: Gujarati
Classification: Book_Gujarati & Story
File Size: 6 MB

Page 111

પાંપણે બાંધ્યું પાણિયારું
‘કુમાર, તમે રુક્મિણીને જોઈ છે ખરી?'
‘ના....’ મને ઋષિકુમારનો પ્રશ્ન સમજાયો નહીં.
૯૯
તો શું જોયા વિના જ એની સાથે લગ્ન કરશો? તમે ખરેખરા પિતૃભક્ત છો! લગ્ન કર્યા પછી પસંદ નહીં પડે તો શું કરશો?'
ઋષિકુમાર હસી પડ્યા. હસવાનું રોકી કૃત્રિમ ગંભીરતા ધારણા કરી મેં
કહ્યું:
‘શું તમને કોઈ રહસ્યભૂત સમાચાર મળ્યા છે? રુક્મિણીને કોઈ ખોડખાંપણ તો નથી ને? એવું કંઈ જાણવા મળ્યું હોય તો કહી દેજો! તો રાત્રે જ અહીંથી રવાના થઈ જઈએ!’
‘એવા કોઈ સમાચાર નથી મળ્યા, પરંતુ આવા મહત્ત્વપૂર્ણ કામમાં ચોકસાઈ તો પૂરી કરી લેવી જોઈએ ને? લૂલી-લંગડી તો નહીં હોય, પરંતુ કદાચ શ્યામ હશે તો ગમશે ને?' હજુ ઋષિકુમાર હસતાં હસતાં જ વાત કરતા હતા. આજે તેઓના મુખ પર ખૂબ આનંદ છવાયેલો હતો. મેં તેમને કહ્યું :
‘ઋષિકુમાર, તો એટલું કામ આવતી કાલે તમે જ કરી દેજો ને! ભિક્ષાના બહાને રાજમહેલમાં પહોંચી જજો અને કહેજો કે ‘હું તો રાજકુમારી રુક્મિણીના હાથે જ ભિક્ષા ગ્રહણ કરીશ અને એને આશીર્વાદ આપીશ.' એક મિત્ર તરીકે આટલું કામ કરી આપો!'
‘એટલે મારી પસંદગી-નાપસંદગી તમારી પસંદગી-નાપસંદગી બની જશે? એક મુનિની પસંદગી અને એક રાજકુમારની પસંદગી - બંને વચ્ચે અંતર ન હોઈ શકે? અમારી પસંદગીનું માધ્યમ રૂપ નથી હોતું, ગુણ હોય છે! સંસારી માણસો રૂપના માધ્યમથી પસંદગી કરતા હોય છે!'
‘ઋષિદત્તામાં રૂપ અને ગુણ - બંનેનો સમન્વય હતો.’
‘અત્યારે હું રુક્મિણીની વાત કરું છું, ઋષિદત્તાની નહીં! રુક્મિણીમાં રૂપ હશે પણ ગુણ નહીં હોય તો? ગુણ હશે અને રૂપ નહીં હોય તો?’
‘ઋષિકુમાર, જવા દો ને આ બધી વાતો! મારે તો માત્ર એ રાજકુમારી સાથે લગ્ન કરીને રથમર્દન નગરમાં લઈ જવાની છે.... એને રહેવા માટે એક રાજમહેલ આપી દઈશ. નોકર-ચાકર આપી દઈશ.'
‘અને તમે એની પાસે નહીં જાઓ એમ ને? એ વિશ્વાસઘાત નહીં કહેવાય? તમારા પિતાની ઇચ્છાને સંતોષવા ખાતર તમે એક સ્ત્રીના જીવન સાથે રમત નથી રમતા?'