________________
૧૭૪
શ્રી નવતત્ત્વ પ્રકરણ
सित्तरि कोडाकोडी, मोहणिए वीस नाम- गोएसु । तित्तीसं अयराई आउट्ठिइबंध उक्कोसा ॥ ४१ ॥ बारस मुहुत्तं जहन्ना, वेयणिए अट्ठ नाम गोएसु । सेसाणंतमुहुत्तं, एयं बंधट्ठईमाणं ॥ ४२ ॥ संतपयपरूवणया, दव्वपमाणं च खित्त फुसणा य । कालो अ अंतरं भाग, भाव अप्पाबहुं चेव ॥४३॥ संतं सुद्धपयत्ता, विज्जतं खकुसुमंव्व न असंतं । मुक्खत्ति पयं तस्स उ, परूवणा मग्गणाईहिं ॥ ४४ ॥ गइ इंदिए अ काए जोए वेए कसाय नाणे अ । संजम दंसण लेसा, भव सम्मे सन्नि आहारे ॥ ४५ ॥ नरगइ पणिदितस भव, सन्नि अहक्खाय खइअसम्मत्ते । मुक्खोऽणाहार केवल - दंसणनाणे न सेसेसु ॥४६॥ दव्वपमाणे सिद्धाणं, जीवदव्वाणि हुंतिऽणंताणि । लोगस्स असंखिज्जे, भागे इक्को य सव्वेवि ॥४७॥ फुसणा अहिया कालो, इग-सिद्ध-पडुच्च साइओणंतो । पडिवायाऽभावाओ, सिद्धाणं अंतरं नत्थि ॥ ४८ ॥ सव्वजियाणमणंते, भागे ते तेसिं दंसणं नाणं । खइए भावे परिणा- मिए अ पुण होइ जीवत्तं ॥४९॥ थोवा नपुंससिद्धा, थी नर सिद्धा कमेण संखगुणा । इअ मुक्खतत्तमेअं नवतत्ता लेसओ भणिआ ॥५०॥
