________________
૧૭૩
નવતત્ત્વ મૂળગાથા लोगसहावो बोही-दुल्लहा धम्मस्स साहगा अरिहा । एआओ भावणाओ, भावेअव्वा पयत्तेणं ॥३१॥ सामाइअत्थ पढमं, छेओवट्ठावणं भवे बीअं । परिहारविसुद्धिअं सुहुमं तह संपरायं च ॥३२॥ तत्तो अ अहक्खायं, खायं सव्वंमि जीवलोगंमि । जं चरिऊण सुविहिया, वच्चंति अयरामरं ठाणं ॥३३॥ बारसविहं तवो णिज्जरा य, बंधो चउविगप्पो अ। पयइ-ट्ठिइ-अणुभाग-प्पएसभेएहिं नायव्वो ॥३४॥ अणसणमूणोअरिया, वित्तीसंखेवणं रसच्चाओ। कायकिलेसो संली-णया य बज्झो तवो होइ ॥३५॥ पायच्छित्तं विणओ, वेयावच्चं तहेव सज्झाओ। झाणं उस्सग्गोऽवि अ, अभितरओ तवो होइ ॥३६॥ पयई सहावो वुत्तो, ठिई कालावहारणं । अणुभागो रसो णेओ, पएसो दलसंचओ ॥३७॥ पडपडिहारऽसिमज्ज-हडचित्तकुलालभंडगारीणं । जह एएसिं भावा, कम्माणऽवि जाण तह भावा ॥३८॥ इह नाणदंसणावरण-वेयमोहाउ नामगोआणि । विग्धं च पण नव दु अट्ठवीस चउ तिसय दु पणविहं ॥३९॥ नाणे अदंसणावरणे, वेयणीए चेव अंतराए अ। तीसं कोडाकोडी, अयराणं ठिई अ उक्कोसा ॥४०॥
