________________
૧૭૨
શ્રી નવતત્ત્વ પ્રકરણ इंदिअ कसाय अव्वय, जोगा पंच चउ पंच तिनि कमा । किरियाओ पणवीसं, इमा उ ताओ अणुक्कमसो ॥२१॥ काइय अहिगरणिआ, पाउसिया पारितावणी किरिया । पाणाइवायारंभिय, परिग्गहिआ मायवत्ती अ॥२२॥ मिच्छादसणवत्ती, अपच्चक्खाणा य दिट्ठि पुट्टि य । पाडुच्चिय सामंतो-वणीअ नेसत्थि साहत्थी ॥२३॥ आणवणि विआरणिया, अणभोगा अणवकंखपच्चइया । अन्ना पओग समुदाण पिज्ज दोसेरियावहिया ॥२४॥ समिई गुत्ती परिसह, जइधम्मो भावणा चरित्ताणि । पण ति दुवीस दस बार, पंचभेएहिं सगवन्ना ॥२५॥ इरिया भासेसणादाणे, उच्चारे समिईसु अ। मणगुत्ती वयगुत्ती, कायगुत्ती तहेव य ॥२६॥ खुहा पिवासा सी उण्हं, दंसाचेलारइथिओ। चरिया निसीहिया सिज्जा, अक्कोस वह जायणा ॥२७॥ अलाभ रोग तणफासा, मल-सक्कार-परीसहा । पन्ना अन्नाण सम्मत्तं, इअ बावीस परीसहा ॥२८॥ खंती मद्दव अज्जव, मुत्ती तव संजमे अ बोधव्वे । सच्चं सोअं आकिंचणं च बंभं च जइधम्मो ॥२९॥ पढममणिच्चमसरणं, संसारो एगया य अन्नत्तं । असुइत्तं आसव संवरो य तह णिज्जरा नवमी ॥३०॥
