________________
નવતત્ત્વ મૂળગાથા
सद्दंधयार उज्जोअ, पभा छायातवेहि अ ( इय ) । वन्न गंध रसा फासा, पुग्गलाणं तु लक्खणं ॥११॥ एगा कोडि सत्तसट्ठि, लक्खा सत्तहुत्तरी सहस्सा य । दो य सया सोलहिया, आवलिया इगमुहुत्तमि ॥ १२ ॥
૧૭૧
समयावली मुहुत्ता, दीहा पक्खा य मास वरिसा य । भणिओ पलिया सागर, उस्सप्पिणिसप्पिणी कालो ॥ १३ ॥ परिणामि जीव मुत्तं, सपएसा एग खित्त किरिया य । णिच्चं कारण कत्ता, सव्वगय इयर अप्पवेसे ॥१४॥ सा उच्चगोअ मणुदुग, सुरदुग पंचिंदिजाइ पणदेहा । आइतितणुणुवंगा, आइमसंघयणसंठाणा ॥ १५ ॥ वन्नचउक्कागुरुलहु, परघा उस्सास आयवुज्जोअ । सुभखगइनिमिणतसदस, सुरनर तिरिआउ तित्थयरं ॥ १६ ॥ तस बायर पज्जत्तं, पत्तेअ थिरं सुभं च सुभगं च । सुस्सर आइज्ज जसं, तसाइदसगं इमं होइ ॥ १७॥ नाणंतरायदसगं, नव बीए नीअसाय मिच्छत्तं । थावरदस - निरयतिगं, कसाय पणवीस तिरियदुगं ॥ १८ ॥ इगबितिचउजाईओ, कुखगइ उवघाय हुंति पावस्स । अपसत्थं वन्नचऊ, अपढमसंघयणसंठाणा ॥१९॥ थावर सुहुम अपज्जं, साहारणमथिरमसुभ- दुभगाणि । दुस्सरणाइज्जजसं, थावर - दसगं विवज्जत्थं ॥२०॥
