________________
१७०
શ્રી નવતત્ત્વ પ્રકરણ श्री नवतत्त्व प्रकरण जीवाऽजीवा पुण्णं, पावाऽऽसव संवरो य निज्जरणा। बन्धो मुक्खो य तहा, नवतत्ता हुंति नायव्वा ॥१॥ चउदस चउदस बायालीसा बासी अ हुंति बायाला । सत्तावन्नं बारस, चउ नव भेया कमेणेसिं ॥२॥ एगविह दुविह तिविहा, चउव्विहा पंच छव्विहा जीवा । चेयण-तसइयरेहिं, वेय-गई-करण-काएहिं ॥३॥ एगिदिय सुहमियरा, सनियर पणिदिया य सबितिचउ। अपज्जत्ता पज्जत्ता, कमेण चउदस जियट्ठाणा ॥४॥ नाणं च दंसणं चेव, चरित्तं च तवो तहा। वीरियं उवओगो य, एयं जीअस्स लक्खणं ॥५॥ आहारसरीरिंदिय-पज्जत्ती आणपाणभासमणे । चउ पंच पंच छप्पि य, इगविगलाऽसन्नीसन्नीणं ॥६॥ पणिदिअत्तिबलूसा-साऊ दस पाण चउ छ सग अट्ठ। इग-दु-ति-चउरिंदीणं, असन्नि-सन्नीण नव दस य ॥७॥ धम्माधम्मागासा, तिय-तिय-भेया तहेव अद्धा य । खंधा देस पएसा, परमाणु अजीव चउदसहा ॥८॥ धम्माऽधम्मा पुग्गल, नह कालो पंच हुंति अज्जीवा । चलणसहावो धम्मो, थिरसंठाणो अहम्मो य ॥९॥ अवगाहो आगासं, पुग्गलजीवाण पुग्गला चऊहा । खंधा देस पएसा, परमाणु चेव नायव्वा ॥१०॥
