________________
૧૭૫
નવતત્ત્વ મૂળગાથા जीवाइ नव पयत्थे, जो जाणइ तस्स होइ सम्मत्तं । भावेण सद्दहतो, अयाणमाणेऽवि सम्मत्तं ॥५१॥ सव्वाइं जिणेसर-भासियाई वयणाइं नन्नहा हुंति । इइ बुद्धी जस्स मणे, सम्मत्तं निच्चलं तस्स ॥५२॥ अंतोमुत्तमित्तं-पि फासियं हुज्ज जेहिं सम्मत्तं । तेसिं अवड्डपुग्गल-परिअट्टो चेव संसारो ॥५३॥ उस्सप्पिणी अणंता, पुग्गलपरियट्टओ मुणेयव्वो। तेऽणंताऽतीअद्धा, अणागयद्धा अणंतगुणा ॥५४॥ जिणअजिणतित्थऽतित्था, गिहि अन्नसलिंग थी नरनपुंसा । पत्तेय सयंबुद्धा, बुद्धबोहिय इक्कणिक्का य ॥५५॥ जिणसिद्धा अरिहंता, अजिणसिद्धा य पुंडरिअपमुहा । गणहारि तित्थसिद्धा, अतित्थसिद्धा य मरुदेवा ॥५६॥ गिहिलिंगसिद्ध भरहो, वक्कलचीरी य अन्नलिंगम्मि । साहु सलिंगसिद्धा, थीसिद्धा चंदणापमुहा ॥५७॥ पुंसिद्धा गोयमाई, गांगेयाई नपुंसया सिद्धा। पत्तेय-सयंबुद्धा, भणिया करकंडु-कविलाई ॥५८॥ तह बुद्धबोहि गुरुबोहिया य इगसमये इगसिद्धा य । इगसमयेऽवि अणेगा, सिद्धा तेऽणेगसिद्धा य ॥५९॥
॥ इति श्री नवतत्त्वमूलम् ॥
