Jain Ramayana Part 1

SR No.: 008899
Original Sutra Author: N/A
Author: Bhadraguptasuri
Publisher: Mahavir Jain Aradhana Kendra Koba
Publication Year: 2008
Total Pages: 281
Language: Gujarati
Classification: Book_Gujarati & Literature
File Size: 9 MB

Page 178

૧૬૮
જૈન રામાયણ કે આ તબક્કે મારી આ વાતથી તું નારાજ થઈશ, પરંતુ એક કલ્યાણમિત્ર તરીકે મને મારી સમજ મુજબ જે લાગતું હોય તે કહેવું જ જોઈએ અને એ કહેતાં જો તારું દિલ દુભાયું હોય તો ક્ષમા કરજે.' પ્રહસિતનું ગળું જરા ગળગળું બની ગયું. ગળગળા અવાજે જ તેણે પોતાની વાતને આગળ લંબાવી.
ખરેખર દુષ્ટ પ્રારબ્ધનો જ આ વાંક લાગે છે, બાકી અંજનામાં દોપનાં અંશ પણ નથી. સ્નેહીજનોનાં હૃદય પણ જો દેવ રૂઠે તો ભદાતાં વાર નથી લાગતી.”
“પ્રહસિત, તારી બધી વાતનો સાર એ છે કે મારે વડીલોની ખાતર મારું ભાવિજીવન બરબાદ થતું હોય તો થવા દેવું.'
ના, જરા ય નહિ. જો મને તારું ભાવિજીવન બરબાદ થતું લાગતું હોય તો હું તને જરા ય આગ્રહ ન કરત. હું વડીલોને સમજાવવા પ્રયત્ન કરત. પરંતુ મને તો અંજના સાથેનું તારું ભાવિજીવન ઉજવવા લાગે છે, માટે જ આટલો આગ્રહ કરી રહ્યો છું. વળી માની લે કે અંજનાને છોડીને તું કોઈ બીજી કન્યા સાથે લગ્ન કરીશ તો શું ભાવિજીવન ઊજળું જ બની જશે એમ માને છે? અરે, જે તારું પ્રારબ્ધ જ વાંકું હશે તો સારી માનેલી કન્યા પણ પરણ્યા પછી બગડી જતાં વાર નહિ લાગે.”
કેવો અદ્દભુત મિત્ર! પવનંજય રાજપુત્ર હોવા છતાં, શરમમાં જરા ય • ખેંચાતાં અવસરે સાચી વાત કહેતાં તે અચકાતો નથી. ધર્મગુરુની અદાથી તે પવનંજયને સુંદર સલાહ આપીને, એક સારા મિત્રનો આદર્શ પૂરો પાડે છે!
ભાઈ! કેવળ તું તારા વિચારના પ્રવાહમાં ન ખચાઈ જા, તારી આસપાસના બધા જ સંયોગોનો તું વિચાર કર. બસ, મારે હવે કંઈ વધારે કહેવું નથી.”
વિજય પ્રહસિતની વાતનું ઉલ્લંઘા કરી શકે એમ ન હતું. મિત્રની વાત માન્ય રાખી, અંજના સાથે વિવાહ કરવા માટે તેણે સંમતિ આપી.
‘પરંતુ હૃદયમાંથી અંજના પ્રત્યેનો દુર્ભાવ તો ન જ ગયો! ક્યાંથી જાય ? પૂર્વભવમાંથી અંજના એવું પ્રારબ્ધ લઈને આવી છે કે પતિના હૈયામાં પોતાના પ્રત્યે સદ્ભાવ જાગવા જ ન દ!
હજુ બંને મિત્રોને પ્રભાતિક કાયોંથી પરવારવાનું બાકી હતું. દરવાજે પરિચારિકા રાહ જોઈને ઊભી રહી હતી.
પ્રહસિતે ઊભા થઈને દરવાજો ખોલ્યો. ઇશારાથી પરિચારિકાને અંદર દાખલ થવાની રજા આપી દીધી.