Page Text
________________
૨૪
બાર પ્રકારની હિંસાઓ
વૈજ્ઞાનિકના કાર્યમાં અંતરાય ઊભો થાય છે. એ સમસ્યાના ઉકેલ માટે નિર્દય માનવીએ અવનવાં સાધનો પણ શોધી કાઢયાં છે એવા એક સાધનનું નામ છે “મીગલર ચેર' એક પ્રકારની ધાતુની આ ખુરશીમાં આ જકડાયેલા વાંદરાનું માથું અને શરીરનો કેટલોક ભાગ ખુલ્લો રહે છે જેથી એની સાથે ચેડાં કરવાનું ફાવે. એકવાર બંદર આ ખુરસીમાં જકડાઈ જાય પછી ગમે તેવો ત્રાસ ગુજારવા છતાં એ હલનચલન કરી શકતો નથી. તેની ખોપરીમાં કાણાં પાડો, છાતીમાં ગાબડાં પાડો, વીજળીના આંચકા આપો કે તેની ચામડી ઉતરડી લો તો પણ વાંદરો ચૂં કે ચાં કરી શકતો નથી. હા, તેના બ્લડ પ્રેશર, હૃદયના ધબકારા, શરીરનું ઉષ્ણતામાન તેમ જ તેના મોંમાથી નીકળતી તીણી ચીસોનાં સ્પંદન પામી શકાય એટલી સગવડ પ્રયોગ કરનારે પહેલથી જ કરી દીધી હોય છે.
આવું બીજું એક સાધન છે “નોબલ કોલીપ ડ્રમ !' પ્રાણીને લોહી નીકળે એટલી હદે ઈજા ન થાય છતાં તેને પછડાટો કે ધક્કા વાગે અને આ મૂઢ મારથી શરીરમાં પેદા થતી કંપારી માપી શકાય તે માટે એ ડ્રમનો ઉપયોગ થાય છે. જો કે દરેક પ્રયોગ માટે આવાં સાધનો વપરાય જ એવું નથી. કેટલાક અખતરા તો પાશવી રીતે થતા હોય છે. જેમ કે હડકવાની રસી માટે કૂતરાં અને ઘેટાં પર જે પ્રયોગો થાય છે તેમાં ઘેટાંને એક ટેબલ પર ગોઠવી તેના પગ બાંધી દેવાય છે. તેનું મોં બાંધી લઈ માથા પરથી રૂવાંટી દૂર કરી તેના મગજમાં હડકવાની રસીનું સીધેસીધું ઈંજેક્શન અપાય છે. પાંચથી સાત દિવસમાં એ ઈંજેક્શનથી બચ્યું સંપૂર્ણપણે જડ થઈ જાય. એટલે તેનું માથું કરવતથી કાપી નાખી ખોપરીનો ભાગ ખુલ્લો કરી અંદરનો નરમ માવા જેવો પદાર્થ લેબોરેટરી ટેસ્ટ માટે મોકલાય છે. હાલમાં મળતી હડકવાની સચોટ રસી શોધાયા પછી આ પ્રયોગો ચાલુ રાખવાથી કોઈ અર્થ સરતો નથી, છતાં વિવિસેક્શન કરતા સાયન્ટિસ્ટોએ અત્યાચારો અટકાવ્યા નથી.
બ્રિટન-અમેરિકામાં ચામડીને સુંવાળી બનાવવા માટે કાચબાનું તેલ ધરાવતા નહાવાના સાબુ બને છે. એ સાબુ બનાવવા હજારો કાચબાને પીલવામાં આવે છે. માણસના શરીરે માલિશ કરવા માટે કાચબાનું તેલ મેળવવા માટે તો આ જળચર પ્રાણી પર પારાવાર ત્રાસ ગુજારાય છે. કાચબાને પકડી ચત્તોપાટ સુવાડી દિવસો સુધી તડકામાં તપાવાય છે. આ રીતે કાચબો જીવતો શેકાવા લાગે તેથી એના પેટની સફેદ ચામડી લાલ રંગની બની જાય અને શરીરનું પાણી શોષાઈ જતાં સુકાઈ ગયેલા કાચબાને ચીરી નાખી તેલ છૂટું પાડવામાં આવે છે.
બાળકોનાં હાડકાં મજબૂત બને, શરીર હૃષ્ટપૃષ્ટ થાય તે માટેના ટોનિક
| SR No. | 008888 |
| Book Title | Baar Prakarni Hinsa |
| Original Sutra Author | N/A |
| Author | Chandrashekharvijay |
| Publisher | Kamal Prakashan |
| Publication Year | 2008 |
| Total Pages | 192 |
| Language | Gujarati |
| Classification | Book_Gujarati & Ahimsa |
| File Size | 607 KB |