Aptavani 03

SR No.: 008826
Original Sutra Author: N/A
Author: Dada Bhagwan
Publisher: Dada Bhagwan Foundation
Publication Year: 2003
Total Pages: 166
Language: Gujarati
Classification: Book_Gujarati & Akram Vigyan
File Size: 95 KB

Page 56

આપ્તવાણી-૩
૭૧
આપ્તવાણી-૩
પ્રશ્નકર્તા : તમને સાંભળતા જ અમને અપાર આનંદ થાય છે તો આપને કેટલો આનંદ છે ?
દાદાશ્રી : તમારી મહીં એ જ આનંદ ભરેલો છે, મારી મહીં એ જ આનંદ ભરેલો છે, બધામાં એ જ આનંદ છે, એક જ સ્વરૂપ છે. જેનો જેટલો પુરુષાર્થ અને જેટલો ‘જ્ઞાની'નો રાજીપો, એ બેનો ગુણાકાર થયો કે ચાલ્યું.
આત્મા : અનંત શક્તિ !
પોતે પોતાની સંપૂર્ણ શક્તિઓ વ્યકત થઇ જાય તે પરમાત્મા. પણ આ શક્તિઓ આવરાઇ ગયેલી છે, નહીં તો પોતે જ પરમાત્મા છે.
દરેક જીવમાત્રમાં, ગધેડાં, કૂતરાં, ગુલાબના છોડમાં ય આત્માની અનંત શક્તિઓ છે, પણ તે આવરાયેલી છે તેથી ફળ ના આપે. જેટલી પ્રગટ થઇ હોય એટલું જ ફળ આપે. ‘ઇગોઇઝમ' અને મમતા બધી જાય તો એ શક્તિ વ્યક્ત થાય.
પુદ્ગલ પ્રત્યેની જેટલી સસ્પૃહતા હતી અને આત્મા પ્રત્યે નિઃસ્પૃહતા હતી, તે હવે પુદ્ગલ પ્રત્યે નિઃસ્પૃહતા જેટલા પ્રમાણમાં આવશે તેટલા પ્રમાણમાં આત્મા ઉપર સસ્પૃહતા આવશે.
પુદ્ગલની, આત્માની બધી જ શક્તિઓ એકમાત્ર પ્રગટ પરમાત્મામાં જ લગાડવા જેવી છે. મનુષ્યમાં પૂર્ણ પરમાત્મ શક્તિ છે, જે વાપરતાં આવડવી જોઇએ. ‘જ્ઞાની પુરુષ' બધી જ શક્તિઓ આપવા તૈયાર છે, શક્તિ તમારી મહીં જ પડી છે. પણ તમને તાળું ઉઘાડીને લેવાનો હકક નથી. જ્ઞાનીપુરુષ ઉઘાડી આપે ત્યારે એ નીકળે. આ હિન્દુસ્તાનનો એક જ માણસ આખા વર્લ્ડનું કલ્યાણ કરી શકે એટલી બધી શક્તિઓ છે, પણ આ શક્તિઓ અત્યારે ઊંધે રસ્તે વહી રહી છે તેથી ‘સેબોટેજ’ થઇ રહ્યું છે. આના ‘કંટ્રોલર’ જોઇએ. ‘જ્ઞાની પુરુષ' અને સપુરુષો અને સંતપુરુષો આના નિમિત્ત હોય છે.
ભગવાન પાસે કઇ શક્તિ માગવી ? આ તોફાન ચાલ્યું છે તેમાં
જ્ઞાનશક્તિ અને સ્થિરતાશક્તિ આપો એમ માગવું. પુદ્ગલ શક્તિ ના માગવી, જ્ઞાનશક્તિ માગવી.
મહીં અનંત શક્તિ છે. અનંતસિદ્ધિ છે, પણ અવ્યક્તરૂપે રહેલી છે. મહીં રૂપાળી, રળિયામણી શકિતઓ છે ! ગજબની શક્તિઓ છે તે મુકીને બહારથી કદરૂપી શક્તિઓ વેચાતી લાવ્યા. સ્વભાવકૃત શક્તિઓ કેવી સુંદર છે ! અને આ વિકત શક્તિઓ બહારથી વેચાતી લાવ્યા ! મહીં દ્રષ્ટિ જ પડી નથી. આત્મા પ્રાપ્ત થાય એટલે એ શક્તિઓ વ્યકત થવા માંડે.
આત્મશક્તિઓને તો આત્મવીર્ય કહેવાય. આત્મવીર્ય ઓછું હોય તો તેનામાં નબળાઇ ઉત્પન્ન થાય; ક્રોધ, માન, માયા, લોભ ઉત્પન્ન થાય. અહંકારને લઇને આત્મવીર્ય તૂટી જાય, તે જેમ જેમ અહંકાર ઓગળે તેમ તેમ આત્મવીર્ય ઉત્પન્ન થતું જાય. જ્યારે જ્યારે આત્મવીર્ય ઘટતું લાગે ત્યારે પાંચ-પચીસ વખત મોટેથી બોલવું કે “હું અનંત શક્તિવાળો છું' એટલે શક્તિ ઉત્પન્ન થાય.
પ્રશ્નકર્તા: ‘હું અનંત શક્તિવાળો છું” એ બોલીએ છીએ, પણ સિદ્ધ ભગવાનો માટે એ શક્તિ કઇ ?
દાદાશ્રી : આ તો વાણી છે ત્યાં સુધી ‘હું અનંત શક્તિવાળો છું” એ બોલવાની જરૂર છે અને મોક્ષે જતાં વિઘ્નો અનંત પ્રકારના છે તેથી તેની સામે આપણે અનંત શક્તિવાળા છીએ, પછી કશું રહેતું નથી. વાણી ને વિપ્નો છે ત્યાં સુધી જ બોલવાની જરૂર છે.
પ્રશ્નકર્તા : આત્મા મોક્ષે ગયા પછી એની જ્ઞાતાદ્રષ્ટા સિવાય કઈ શક્તિ ?
દાદાશ્રી : બીજી ઘણી શક્તિઓ છે. પોતાની શક્તિથી એ આ બધું ઓળંગીને જાય પછી મોક્ષે ગયા પછી એ બધી શક્તિઓનો ‘સ્ટોક’ રહે. આજે ય એ બધી શક્તિઓ છે, પણ જેટલી વપરાય એટલી ખરી.
પ્રશ્નકર્તા : મોક્ષે ગયા પછી એ શક્તિઓ બીજાને કામ ના લાગે ને ?