________________
| દ્વિતીય પદઃ સ્થાન
| १३८
બંને પ્રકારના મનુષ્યો ૪૫ લાખ યોજન વિસ્તૃત અઢીદ્વીપ સમુદ્રોમાં જ ઉત્પન્ન થાય છે, તેથી તેના સ્વસ્થાન અને ઉપપાતસ્થાન લોકનો અસંખ્યાતમો ભાગ છે. समुग्घाएणं सव्वलोए:-वणी समुधात समये वणी (भगवानना आत्मप्रशो समस्त सोऽव्यापी બને છે, તેથી સમુઘાતની અપેક્ષાએ મનુષ્યોનું સ્થાન સર્વલોક કહ્યું છે. ભવનવાસી દેવોનાં સ્થાનઃ३० कहिणंभंते ! भवणवासीणं देवाणंपज्जत्ताअपज्जत्ताणं ठाणा पण्णत्ता ? कहिणं भंते ! भवणवासी देवा परिवसंति ? गोयमा ! इमीसे रयणप्पभाए पुढवीए असीउत्तरजोयण सयसहस्सबाहल्लाए उवरिं एगंजोयण सहस्सं ओगाहित्ता हेट्टा वेगं जोयणसहस्सं वज्जेत्ता मज्जिमअट्ठहत्तरे जोयणसयसहस्से, एत्थणंभवणवासीणंदेवाणं सत्त भवणकोडीओ बावत्तरि च भवणावाससयसहस्सा भवंतीति मक्खायं ।
ते णं भवणा बाहिं वट्टा अंतो समचउरंसा अहे पुक्खरकण्णियासंठाणसंठिया उक्किण्णंतरविउलगंभीरखायफरिहा पागारट्टालयकवाङतोरणपडिदुवारदेसभागा जंत सयग्धिमुसलमुसंढिपरियारिया अउज्झा सयाजया सयागुत्ता अडयालकोट्ठगरइया अडयाल कयवणमाला खेमा सिवा किंकरामरदंडोवरक्खिया लाउल्लोइयमहिया गोसीससरसरत्तचंदण दद्दरदिण्णपंचंगुलितला उवचियचंदण-कलसा चंदणघडसुकयतोरणपडिदुवारदेसभागा आसत्तोसत्तविउलवट्टवग्घारियमल्लदामकलावा पंचवण्णसरससुरहिमुक्कपुप्फपुंजोवयारकलिया कालागरु-पवरकुंदुरुक्कतुरुक्कधूवमघमचंतगंधुद्धयाभिरामा सुगंधवरगंधगंधिया गंधवट्टिभूया अच्छरगणसंघसंविगिण्णा दिव्वतुडियसद्दसंपणइया सव्वरयणामया अच्छा सण्हा लण्हा घट्टा मट्ठा णीरया णिम्मला णिप्पंका णिक्कंकडच्छाया सप्पहा सस्सिरिया समरीइया सउज्जोया पासादीया दरिसणिज्जा अभिरूवा पडिरुवा, एत्थणंभवणवासीणंदेवाणंपज्जत्ताअपज्जत्ताणं ठाणा पण्णत्ता ।
उववाएणं लोगस्स असंखेज्जइभागे, समुग्घाएणं लोगस्स असंखेज्जइभागे,सट्ठाणेणं लोगस्स असंखेज्जइभागे । तत्थं णं बहवे भवणवासी देवा परिवसंति । तं जहा
असुरा णाग सुवण्णा, विज्जू अग्गी य दीव उदही य ।
दिसि पवण थणिय णामा, दसहा एए भवणवासी ॥५॥ चूडामणिमउडरयण भूसणणिउत्तणागफड,गरुल, वइर, पुण्णकलसविउप्फेस, सीह मगर गयंक हयवर वद्धमाणणिज्जुत्तचित्तचिंधगया सुरूवा महिड्डिया महज्जुइया महायसा महब्बला महाणुभागा महासोक्खा हारविराइयवच्छा कडगन्तुडियर्थभियभुया अंगदकुंडल मट्ठगंडतल कण्णपीढधारी विचित्तहत्थाभरणा विचित्तमाला-मउलिमउडा कल्लाणगपवरवत्थ परिहिया कल्लाणगपवरमल्लाणुलेवणधरा भासुरबोंदी पलंबवणमालधरा दिव्वेणं वण्णेणं दिव्वेणं गंधेणं
