Page Text
________________
| ४२० ।
શ્રી જીવાજીવાભિગમ સૂત્ર |
बहुमज्झदेसभागंलोमहत्थेणं पमज्जइ, दिव्वाए दगधाराए अब्भुक्खेइ, सरसेणं गोसीसचंदणेणं पंचगुलितलं मंडलगंआलिहइ कयग्गहगहिय जाव जोवयारकलियंकरेइ, करित्ता धूवंदलयइ,
जेणेव सिद्धायतणस्स दाहिणिल्ले दारे तेणेव उवागच्छइ, लोमहत्थगं परामुसइ, दारचेडीओ य सालभजियाओयवालरूवएयलोमहत्थएणपमज्जइ, दिव्वाए दगधाराए अब्भुक्खेड, सरसेणगोसीसचंदणेण चच्चए दलयइ, दलइत्ता पुप्फारुहणं जाव आभरणारुहण करेइ, करेत्ता आसत्तोसत्त जाव धूवंदलयइ ।
जेणेव दाहिणिल्ले दारे मुहमंडवे जेणेव दाहिणिल्लस्स मुहमंडवस्स बहुमज्झ देसभाए तेणेव उवागच्छइ, लोमहत्थग परामुसइ, बहुमज्झदेसभागलोमहत्थेण पमज्जइ, दिव्वाए दगधाराए अब्भुक्खेइ, सरसेणं गोसीसचंदणेणं पंचंगुलितलं मंडलगंआलिहइ जाव धूयं दलयइ।
जेणेव दाहिणिलस्समुहमंडवस्सपच्चत्थिमिल्लेदारेतेणेव उवागच्छइ, लोमहत्थगंपरामुसइ, दारचेडीओ यसालभजियाओ यवालरूवएयलोमहत्थेणपमज्जइ, दिव्वाएदगधाराए अब्भक्ख् सरसेणगोसीसचंदणेण चच्चए दलयइ, पुप्फरहणंजाव आभरणारहणंकरे आसत्तोसत्त जावधूवंदलयइ । जेणेव दाहिणिल्लस्स मुहमडवस्स उत्तरिल्लाखभपति तेणेव उवागच्छइ, लोमहत्थपरामुसइथभेय सालभजियाओय वालरूवएय लोमहत्थएणपमज्जइ जहा चेव पच्चस्थिमिल्लस्सदारस्सजावधूवंदलयइ । जेणेवदाहिणिल्लस्समुहमंडवस्स पुरथिमिल्लेदारेतेणेव उवागच्छइ, लोमहत्थगंपरामुसइ दारचेडीओतंचेव सव्वं । जेणेव दाहिणिल्लस्स मुहमंडवस्स दाहिणिल्लेदारेतेणेव उवागच्छइ दारचेडीओतंचव सव्व।
जेणेव दाहिणिल्ले पेच्छाघरमंडवे, जेणेव दाहिणिल्लस्सपेच्छाघरमंडवस्स बहह्मज्झदेसभाए, जेणेव वइरामए अक्खाडए, जेणेव मणिपेढिया, जेणेव सीहासणे, तेणेव उवागच्छइ, लोमहत्थग परामुसइ, अक्खाडगंच मणिपेढियंच सीहासणंच लोमहत्थएणं पमज्जइ, दिव्वाए दगधाराए सरसेणगोसीसचंदणेण चच्चए दलयइ, पुप्फारुहण आसत्तोसत्त जाव धूव दलेइ, जेणेव दाहिणिल्लस्स पेच्छाघरमडवस्स पच्चत्थिमिल्ले दारे, उत्तरिल्ला खभपति, पुरथिमिल्ले दारे, दाहिणिल्ले दारेत चेव सव्व।
जेणेव दाहिणिल्ले चेइयथूभे तेणेव उवागच्छइ, थूभं, मणिपेढियं च दिव्वाए दगधाराए सरसेण गोसीसचंदणेण चच्चए दलेइ जावधूवंदलेइ।
जेणेव पच्चत्थिमिल्ला मणिपेढिया जेणेव पच्चस्थिमिल्ला जिणपडिमा तंचेव, जेणेव उत्तरिल्ला मणिपेढिया जेणेव उत्तरिल्ला जिणपडिमातंचव सव्वं। जेणेव पुरथिमिल्ला मणिपेढिया जेणेव पुरथिमिल्ला जिणपडिमा तेणेव उवागच्छइ तंचेव, दाहिणिल्ला मणिपेढिया दाहिणिल्ला जिणपडिमातंचेव।
जेणेव दाहिणिल्लेच्झ्यरक्खेतेणेव उवागच्छइ तंव, जेणेव महिंदज्झएतंचव, जेणेव दाहिणिल्ला णंदापुक्खरिणी तेणेव उवागच्छति, लोमहत्थगंपरामुसइ, तोरणे य तिसोवाणपडिरूवए सालभजियाओ य वालरूवए य लोमहत्थएणं पमज्जइ, दिव्वाए, दगधाराए सरसेणगोसीसचंदणेण, पुप्फारुहणं, आसत्तोसत्त जाव धूवं दलयइ।
सिद्धाययण अणुपयाहिणीकरेमाणे जेणेव उत्तरिल्ला गंदापुक्खरिणी तेणेव उवागच्छइ तंचेव, जेणेव उत्तरिल्ले महिंदज्झए तंचेव, जेणेव उत्तरिल्ले चेइयरुक्खेतहेव, जेणेव उत्तरिल्ले चेइयथूभेतहेव, जेणेव पच्चथिमिल्ला पेढिया जेणेव पच्चत्थिमिल्ला जिणपडिमातंचेव। उत्तरिल्ला मणिपेढिया-उत्तरिल्ला जिणपडिमा, पुरथिमिल्ला मणिपेढिया पुरथिमिल्ला जिणपडिमा, दाहिणिल्ला मणिपेढिया दाहिणिल्ला जिणपडिमा तं चेव सव्वं । जेणेव उत्तरिल्ले पेच्छाघरमंडवे जेणेव उत्तरिल्लस्स पेच्छाघरमंडवस्स
| SR No. | 008771 |
| Book Title | Agam 14 Upang 03 Jivabhigam Sutra Sthanakvasi |
| Original Sutra Author | N/A |
| Author | Punitabai Mahasati, Artibai Mahasati, Subodhikabai Mahasati |
| Publisher | Guru Pran Prakashan Mumbai |
| Publication Year | 2009 |
| Total Pages | 860 |
| Language | Prakrit, Gujarati |
| Classification | Book_Gujarati, Agam, Canon, & agam_jivajivabhigam |
| File Size | 19 MB |