________________
પ્રથમ વિભાગ: સૂર્યાભદેવ
on
। १७ ।
समणस्स भगवओ महावीरस्स सव्वओ समंता जोयणपरिमंडलं जं किंचि तणं वा पत्तं वा तहेव सव्वं आहुणिय-आहुणिय एगंते एडेति, एडित्ता खिप्पामेव उवसमंति, उवसमित्ता
दोच्चं पि वेउव्वियसमुग्घाएणं समोहण्णंति, समोहणित्ता अब्भवद्दलए विउव्वंति, से जहाणामए भइयदारगे सिया तरुणे जाव णिउण सिप्पोवगए एगं महं दगवारगं वा, दगभगं वा. दगथालगं वा. दगकलसगं वा गहाय रायंगणं वा जावसभं वा पवं वा अतुरियं जावसव्वओ समंता आवरिसेज्जा, एवामेव तेवि सूरियाभस्स देवस्स आभियोगिया देवा अब्भवद्दलए विउव्वंति, विउव्वित्ता खिप्पामेव पतणतणायंति, पतणतणाइत्ता खिप्पामेव विज्जुयायंति, विज्जुयाइत्ता समणस्स भगवओमहावीरस्स सव्वओसमंताजोयणपरिमंडलं णच्चोदगं णातिमट्टियं तं पविरल फुसियं रयरेणुविणासणं दिव्वं सुरभिगंधोदगं वासं वासंति, वासेत्ता णिहयरयं, गट्ठरयं, भट्टरयं, उवसंतरयं, पसंतरयं, करैति, करित्ता खिप्पामेव उवसामति, उवसामित्ता__तच्चं पि वेउव्वियसमुग्घाएणं समोहण्णंति, समोहणित्ता पुप्फवद्दलए विउव्वंति, से जहाणामए- मालागारदारए सिया तरुणे जाव सिप्पोवगए एगं पुप्फछज्जियं वा पुप्फपडलगं वा पुप्फचंगेरियं वा गहाय रायंगणं वा जाव सव्वओ समंता कयग्गहगहियकरयलपब्भठ्ठविप्पमुक्केणं दसद्धवण्णेणं कुसुमेणं पुप्फपुंजोवयारकलियं करेज्जा, एवामेव ते सूरियाभस्स देवस्स आभिओगिया देवा पुप्फवद्दलए विउव्वंति, विउव्वित्ता खिप्पामेव पतणतणायंति जाव जोयणपरिमंडलं जलयथलयभासुरप्पभूयस्स बिंटट्ठाइस्स दसद्धवण्णकुसुमस्स जाणुस्सेहपमाणमेत्तिं ओहिवासं वासंति, वासित्ता कालागुरुपवर-कुदुरुक्क तुरुक्क-धूव-मघमघंत-गंधुद्धयाभिरामं सुगंधवरगंधियं गंधवट्टिभूयं दिव्वं सुरवराभिगमणजोग्गं करेंति य कारवेंति य, करेत्ता य कारवेत्ता य खिप्पामेव उवसामंति, उवसामित्ता
जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो जाव वंदित्ता णमंसित्ता समणस्स भगवओ महावीरस्स अंतियाओ अबसालवणाओ चेइयाओ पडिणिक्खमति, पडिणिक्खमित्ता ताए उक्किट्ठाए जाव वीइवयमाणा-वीइवयमाणा जेणेव सोहम्मे कप्पे जेणेव सूरियाभे विमाणे जेणेव सभा सुहम्मा जेणेव सूरियाभे देवे तेणेव उवागच्छंति, उवागच्छित्ता सूरियाभं देवं करयलपरिग्गहियं सिरसावत्तं मत्थए अंजलिं कटु जएणं विजएणं वद्धाति, वद्धावेत्ता तमाणत्तिय पच्चप्पिणति । ભાવાર્થ – શ્રમણ ભગવાન મહાવીર સ્વામીએ આ પ્રમાણે કહ્યું ત્યારે તે આભિયોગિક દેવોએ હર્ષિત, સંતુષ્ટિત યાવત પ્રલ્લિત હૃદયવાળા થઈને શ્રમણ ભગવાન મહાવીર સ્વામીને વંદન-નમસ્કાર કરીને ઈશાન
