________________
| १3
શ્રી પ્રશ્નવ્યાકરણ સત્ર
परिग्रही जपो - हेप, मनुष्य :| ३ तं च पुण परिग्गरं ममायंति लोहघत्था भवणवर-विमाण-वासिणो परिग्गहरुई परिग्गहे विविहकरणबुद्धी,
देवणिकाया य असुर-भुयग-गरुल-विज्जु-जलण-दीवउदहि-दिसि-पवण थणिय-अणवण्णिय-पणवण्णिय-इसिवाइय-भूयवाइयकंदिय-महाकंदिय- कुहंड-पयंगदेवा, पिसाय-भूय-जक्ख-रक्ख-सकिण्णरकिंपुरिस-महोरग-गंधव्वा य तिरियवासी । पंचविहा जोइसिया य देवा बहस्सईचंद-सूर- सुक्क- सणिच्छरा राहु-धूमकेउ-बुहा य अंगारका य तत्ततवणिज्जकणयवण्णा जे य गहा जोइसिम्मि चारं चरंति, केऊ य गइरईया अट्ठावीसइविहा यणक्खत्तदेवगणा णाणासंठाण संठियाओ यतारगाओ ठियलेस्सा चारिणो य अविस्साममडलगई उवरिचरा ।
उड्डलोयवासी दुविहा वेमाणिया य देवा सोहम्मीसाण-सणंकुमार-माहिंद बंभलोय-लंतक-महासुक्क-सहस्सार-आणय-पाणय-आरण-अच्चुया कप्पवर विमाणवासिणो सुरगणा, गेविज्जा अणुत्तरा दुविहा कप्पाईया विमाणवासी महिड्डिया उत्तमा सुरवरा, एवं च ते चउव्विहा सपरिसा वि देवा ममायंति भवणवाहण-जाणविमाण-सयणासणाणि य णाणाविह वत्थभूसणाणि य पवरपहरणाणि य णाणामणिपंचवण्णदिव्वं य भायणविहिं णाणाविह कामरूव-वेउव्वियअच्छर गणसंघाए, दीव-समुद्दे, दिसाओ विदिसाओ चेइयाणि वणसंडे, पव्वए य गामणयराणि य आरामुज्जाणकाणणाणि य कूव-सर-तलाग वावि-दीहियदेवकुल-सभप्पव-वसहिमाइयाई बहुयाई कित्तणाणि य परिगिण्हित्ता परिग्गह विउल दव्वसारं देवावि सइंदगा ण तित्तिं ण तुढेि उवलभंति । अच्चंत-विउल लोहाभिभूयसण्णा वासहर-इक्खुगार-वट्ट-पव्वय-कुंडल-रुयग-वरमाणुसोत्तरकालोदहि-लवण-सलिल- दहपइ-रइकर-अंजणक-सेल-दहिमुह-ओवाउप्पायकंचणक-चित्त-विचित्त-जमगवर-सिहरिकूडवासी।
वक्खार-सुविभत्तभागदेसासु अकम्मभूमिसु कम्मभूमिसु जे वि य णरा चाउरतचक्कवट्टी वासुदेवा बलदेवा मंडलीया इस्सरा तलवरा सेणावई इब्भा सेट्ठी रट्ठिया पुरोहिया कुमारा दंडणायगा माडबिया सत्थवाहा कोडुबिया अमच्चा
