________________
અધ્ય–૧: મેવકુમાર ,
| १५ । परहुक्सुरत्तलोयणजासुमणकुसुमजलियजलणतवणिज्जकलसहिंगुलयणियर-रूवाइरेगरेहंत सस्सिरीए दिवायरे जहक्कमेण उदिए तस्स दिणकरपरंपरोयारपारद्धम्मि अंधयारे, बालातक कुंकुमेणंखइएव्वजीवलोए, लोयणक्सियाणुगासविगसंतविसददंसियम्मिलोए,कमलागरसंडबोहए उट्ठियम्मि सूरे सहस्सरस्सिम्मि दिणयरे तेयसा जलंते सयणिज्जाओ उठेइउट्टित्ता;
. जेणेव अट्टणसाला तेणेव उवागच्छइ, उवागच्छित्ता अट्टणसालं अणुपविसइ, अणुपविसित्ता अणेगवायामजोग वग्गण वामद्दणमल्लजुद्धकरणेहिं संतेपरिस्संते;सयपागेहिं सहस्सपागेहिं सुगंधवरतेल्लमाइएहिं पीणणिज्जेहिं दीवणिज्जेहिं दप्पणिज्जेहिं मयणिज्जेहिं विहणिज्जेहिं, सव्विदियगायपल्हायणिज्जेहिं अब्भंगएहिं अब्भंगिए समाणे;
तेल्लचम्मंसिपडिपुण्णपाणिपायसुकुमालकोमलतलेहिं पुरिसेहिं छेएहिं दक्खेहिं पढेहि कुसलेहि मेहावीहिं णिउणेहिं णिउणसिप्पोवगएहिं जियपरिस्समेहिं अब्भंगण परिमद्दणुव्वट्टण करणगुणणिम्माइएहिं अट्ठिसुहाए मंससुहाए तयासुहाए रोमसुहाए चउव्विहाए संवाहणाए संवाहिए समाणे अवगयपरिस्समे णरिंदे अट्टणसालाओ पडिणिक्खमइ, पडिणिक्खमित्ता; ___जेणेवमज्जणघरेतेणेव उवागच्छइ, उवागच्छित्ता मज्जणघरं अणुपविसइ, अणुपविसित्ता समंतजालाभिरामे, विचित्तमणिरयणकोट्टिमतले रमणिज्जेण्हाणमंडवंसिणाणामणि-रयण भत्तिचित्तंसि ण्हाणपीढंसि सुहणिसण्णे । सुहोदएहिं पुप्फोदऐहिं गंधोदएहिं, सुद्धोदएहिं य पुणो पुणो कल्लाणग-पवर-मज्जणविहीए मज्जिए।
तत्थ कोउयसएहिं बहुविहेहिं कल्लाणगपवरमज्जणावसाणे पम्हल सुकुमालगंधकासाइय- लूहियंगे अहयसुमहग्घदूसरयणसुसंवुए सरससुरभिगोसीस चंदणाणुलित्तगत्ते सुइमाला- वण्णगविलेवणेआविद्धमणिसुवण्णे कप्पियहारद्धहार तिसरियपालंबपलबमाण कडिसुक्त सुकयसोहे पिणद्धगेविज्जअंगुलेज्जगललियंगयललियकयाभरणे णाणामणि कडग तुडिय थंभियभुए अहियरूवसस्सिरीए कुंडलुज्जोइयाणणे मउङदित्तसिरए हारोत्थय-सुकय रइयवच्छे पालंब पलंबमाण-सुकय पडउत्तरिज्जे मुद्दिया-पिंगलंगुलीए णाणामणिकणग रयण विमलमहरिह णिउणोविय मिसिमिसंतविरइयसुसिलिट्ठविसिट्ठलट्ठसंठियपसत्थआविद्ध वीरवलए, किं बहुणा ? कप्पक्खए विव सुअलंकियविभूसिए परिंदे सकोरंटमल्लदामेणं छत्तेणं धरिज्जमाणेणं उभओ चउचामरवालवीइयंगे मंगलजयसद्दकयालोए अणेगगणणायग दंडणायग राईसर तलवर माडंबिय कोडुंबिय मंति महामंतिगणगदोवारियअमच्चचेङपीढ मद्दणग-णिगमसेट्टिसेणावझ्सत्थवाहदूरसंधिवालसद्धिं संपरिवुडे धवलमहामेहणिग्गएविव गहगणदिप्तरिक्ख-तारागणाणमझेससिव्वपियदसणेणरवईमज्जणघराओ पडिणिक्खमइ, पडिणिक्खमित्ता जेणेव बाहिरिया उवट्ठाणसाला तेणेव उवागच्छइ, उवागच्छित्ता सीहासणवरगए पुरत्थाभिमुहे सण्णिसण्णे।
