________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वृत्तान्तम् । ] समागत्य सूरीश्वरदर्शनमकार्षीत् , तैश्च साकं तेन भक्ष्याऽभक्ष्याचारसमाचारीजीवदया-प्राकृतसंस्कृतभाषा-सूत्ररचना-मूर्तिप्राचीनत्वावश्यकताप्रभृतीनां प्रभूता ऊहापोहा विहिताः, मीमांसाऽप्यकृत । ततो निश्चितं तेन-यत् स्थानकवासिमत आधुनिक एव, तेऽपि रूपान्तरेण गुप्ततया तत्सदृश (स्थापना) स्वरूपेण मूर्ति मन्यमाना अज्ञजनान् भ्रान्तान् कुर्वाणास्तेषां स्वस्य चात्मिकहितं नाशयन्ति । इत्थं तेन (अमिऋषि) मुनिना सुपरीक्षा विधाय पञ्चषष्ट्युत्तरैकोनविंशतितमे ( १९६५ ) वि. संवत्सरे गृहीतमतमनादत्य पूर्वोक्तसूरीश्वरपादान्ते श्वेताम्बरसाम्प्रदायिका संवेगिदीक्षा स्वीकृता । अजितसागर इत्यभिधया ख्यातिमभजदस्मिन् सम्प्रदाये, यद्यपि स्थानकवासिमतं वितथं विज्ञाय त्यक्तवान् तथाऽपि परमतसहिष्णुत्वात् सोऽन्यमतानिव तन्मतमपि समानभावेनाऽपश्यत् ।
बहुशस्तेन स्थानकवासिसाधुभिः समं प्रसिद्भभाषणादिप्रवृत्तयो विहिताः, अत एव निश्चीयते, तन्मनसि क्वचिदपि केनाऽपि सार्द्ध तिरस्कारो द्वेषबुद्धिश्च न प्रादुरभवत् । सर्वैः सह प्रमोदभावेन वर्तितव्यं सत्यवर्त्म न परित्याज्यमिति तज्जीवनस्य प्रधानताऽऽसीत् । अथ स मुनिराजः प्रत्यहं ज्ञानवृद्धि विधातुं प्रावतत, संस्कृतप्राकृतवाङ्मयतत्त्वानि सम्यक् ज्ञातवान् । तदन्वागमिकभावान पुनरवलोकितवान् । तत्तट्टीकानियुक्तिभाष्यचूर्णिकापर्यालोचनत आगमिकगौरवं तेन प्रत्यक्षीकृतम् । प्राथमिकवक्तृत्वशक्तिप्रभावेण सञ्जातप्रसिद्धिसन्मानं विशेषतः स्वागमज्ञानपूर्वकं निजगुरुसकाशात्प्रत्यहं संप्राप्ताध्यात्मज्ञानादिना व्यस्फुरत् । विज्ञानतपसा वपुरपि सविषयं कृशतामभजत् । अष्टाहिकादितपश्चर्या बहुशः परिचिता तेन, योगोद्वहनतप आराध्य ज्ञानञ्चाराधितम् । ततः सानन्दनगरे तस्मै महोत्सवपूर्वकं पन्यासश्रीमद्वीरविजयेन पन्यासपदं गणिपदं च प्रदत्तम् । मेघगम्भीरनादेन सततं देशनाप्रदानेन लोकोपकारकारिणा प० श्रीमद् अजितसागरगणिना
For Private And Personal Use Only
