Gnayak Swaroop Prakashan

SR No.: 008241
Original Sutra Author: N/A
Author: Lalchandra Pandit
Publisher: Digambar Jain Kundamrut Kahan
Publication Year: 2007
Total Pages: 487
Language: Gujarati
Classification: Book_Gujarati, Spiritual, & Discourse
File Size: 3 MB

Page 374

પ્રવચન નં. ૨૮
૩૫૭
અવસ્થામાં પણ એ જ્ઞાયક જાણવામાં આવ્યો તે જ, જે જાણવામાં આવ્યો તેનો તે જ જણાયો. જ્ઞાયક બદલ્યો નહીં. અનુમાનમાંય જ્ઞાયક ને અનુભવમાં પણ જ્ઞાયક આવી ગયો. અને એને ભવનો અંત આવી જાય છે. આવી પરિસ્થિતિ આ છઠ્ઠી ગાથામાં રહેલી છે. વખત થઈ ગયો.
પ્રવચન નં. ૨૮
પર્યુષણ પર્વાધિરાજ દિવસ-૫ - રાજકોટ
તા. ૨૧-૯-૯૬
આ પર્યુષણ પર્વાધિરાજ ચાલે છે દશ દિવસ. પર્યુષણ એટલે ચારે બાજુથી દ્રવ્ય, ક્ષેત્ર, કાળ અને ભાવથી પોતાના શુદ્ધાત્માની ઉપાસના કરવી એને પર્યુષણ કહેવામાં આવે છે. અને એમાં મુખ્યપણે આ દશલક્ષણપર્વ એ ચારિત્રની મુખ્યતાથી છે. એટલે આજે એનો ઉત્તમ શૌચધર્મનો દિવસ છે. દશલક્ષણ પર્વનો આજે પાંચમો દિવસ છે. આજે ઉત્તમ શૌચધર્મનો દિવસ છે. ઉત્તમ શૌચ એટલે શું ? સમ્યગ્દર્શનપૂર્વકની પવિત્રતા આ શૌચનો અર્થ. પુણ્ય છે તે પવિત્ર નથી, પુણ્યના પરિણામ તો મલિન છે. એ પવિત્ર ક્યાં છે ?
સમ્યગ્દર્શનપૂર્વકની પવિત્રતા અથવા નિર્લોભતા. આ દશ ધર્મો મુખ્યપણે મુનિદશામાં હોય છે. ગૃહસ્થ ધર્મીને ગૌણપણે હોય છે. શ્રી પદ્મનંદી આચાર્યે પદ્મનંદી શાસ્ત્રમાં પણ આનું વર્ણન વિશેષ કર્યું છે. ત્યાંથી જોઈ લેવું. અને સમ્યગ્દર્શનપૂર્વક જ ચારિત્ર હોય છે. એટલે આપણે સમ્યગ્દર્શન કેમ પ્રગટ થાય ? એની મુખ્યતાથી ગુરુદેવે ૪૫ વર્ષ ઉપદેશ આપ્યો. સમ્યગ્દર્શન વિના ચારિત્ર ત્રણકાળમાં હોઈ શકતું નથી. અને વ્યવહારનો ઉપદેશ તો ઠામ ઠામ છે. તે સાંભળીને એને મિથ્યાત્વની દઢતા વધારે થાય છે.
બસો વર્ષ પહેલાં આ સમયસારનો અનુવાદ કરનાર જયચંદ પંડિત એમણે ઢૂંઢારી ભાષામાં અનુવાદ કર્યો. આમ પાના હતા એના. એ અનુવાદ શ્રીમદ્ભુના હાથમાં આવેલો. એમણે ચાલતી ભાષામાં હિન્દી ભાષામાં એનો અનુવાદ કરાવી અને મુંબઈમાં પરમ શ્રુતપ્રભાવક મંડળ નામની એક સંસ્થાની સ્થાપના કરી. જેમાં સત્શાસ્ત્રો અનુવાદ કરીને બહાર પાડવા. એમાં આ સમયસાર શાસ્ત્ર એણે છપાવીને બહાર પાડ્યું. ૭૫ ની સાલમાં બહાર પડી ગયું પુસ્તક. ૭૮ ની સાલમાં આપણાં પરમ ઉપકારી એવા ગુરુદેવનાં હાથમાં આ શાસ્ત્ર આવ્યું. હિંદી થયેલું, ઢૂંઢારીમાંથી હિન્દી આવ્યું. ઢૂંઢારીમાં બહુરી બહુરી...બહુરી બહુરી એવું આવે.