Page Text
________________
૨૬૪
જ્ઞાયક સ્વરૂપપ્રકાશન
એને મન થયું (પરીક્ષા) લેવાનું-રાતના નવ વાગ્યે બધા આવજો. તમને પેપર આપીશ બધા વિદ્યાર્થી નવ વાગ્યે આવ્યા. આહા ! પચાસ (ને) પેપર પણ આપ્યા. પેપરમાં એટલું લખ્યું હતું કે આ ૩૦ x ૩૦ ના રૂમમાં જેટલી વસ્તુ હોય તેટલી આ પત્રમાં પેપરમાં લખી અને મને આપજો. બધાએ પેપર લીધા-ફટોફટ-ફટોફટ મંડ્યા જોવા ને લખવા માંડ્યા. લખતાં લખતાં પચાસે બધું લખી નાખ્યું. પચાસના પેપર હાથમાં આવ્યા તો એને તો એટલું જ જોવું તું કે આમાં કોઈએ ટ્યુબલાઈટ લખી છે દીપક. નથી લખી તો નાપાસ. કેમકે એ વસ્તુ હતી કે નહીં મોટી ? તો એ દેખાણી નહીં. એના દ્વારા પ્રતિભાસ થયો તેને દેખ્યો એણે આને ભૂલી ગયો. પચાસે નાપાસ. ઉભા થયા આજના વિદ્યાર્થી તો. સમજી ગયા.
ગુરુને પણ ચિંટિયા ભરે. સમજી ગયા ? કહે–સાહેબ પચાસ નાપાસ ન થાય. એકને પાસ કરો. કે પચાસેય નાપાસ. નાપાસ તો કારણ આપો. કારણ પૂછ્યું તો કારણ આપું તમને. કે આ બધું તમે લખ્યું નાનામાં નાની ટાંચણી પણ લખી, કાંઈ ભૂલ્યા નહીં હો, બધું શોધખોળ કરીને એવી મહેનત કરીને લખ્યું બધાને એમ હતું કે-હું તો પાસ થઈ જઈશ ! હું તો પાસ થઈ જાઈશ. પણ ઈ ઓલું કેમ ભૂલી ગયો દીપક, કોઈએ લખ્યું નહીં. હાય ! હાય ! વાત સાચી છે. સર, તમારી વાત સાચી છે. આ સો મણ તેલે અંધારું !!!
જેના પ્રકાશના માધ્યમથી અમે જે ચીજ હતી તે લખી ને આ કારણને ભૂલી ગયા. પાયાની ભૂલ થઈ ગઈ કે નહીં ? એમ આ જ્ઞાન સમયે સમયે આત્માને જાણે છે. સમયે સમયે હોં ! આહાહા ! જ્ઞાયક છે તે ટ્યુબલાઈટ છે. જ્ઞાયક છે ઈ ટ્યુબલાઈટ પ્રકાશનો પૂંજ છે, જ્ઞાનમય આત્મા છે અને એનું કિરણ ઉપયોગ જાણવા દેખવાની ક્રિયા થાય. એ પ્રકાશ છે એનો. હવે એ પ્રકાશમાં જણાય છે પોતાનો આત્મા અને માને છે કે આ જણાય છે, આ જણાય છે. તો ઈ પાસ કે નાપાસ ? નાપાસ. શું કામ નાપાસ ? કેમકે જે જ્ઞાન જેનું હતું તેને જાણવાનું ભૂલી ગયો. આ છે, આ છે, છ દ્રવ્ય છે. નવ તત્ત્વ છે, ગુણસ્થાન છે, માર્ગણાસ્થાન છે, આઠ કર્મ છે. આ સત્તા છે, ઉદય છે, આ સંક્રમણ થાય કર્મનું, આ ગુણસ્થાને આમ થાય, આ ગુણસ્થાને આમ થાય, હિમાલય એવડો ને મેરૂ પર્વત એવડો ને લોકાલોક આવડું બધું લખે પણ આ જાણનારને ભૂલી ગયો. એક જાણનારને જાણ્યો નહીં એમાં અનંત અનંત કાળથી ચાર ગતિમાં દુઃખ ભોગવે છે.
કહે છે કે પોતાને પોતાની જ્યોતિરૂપ શિખાને પ્રકાશવાની અવસ્થામાં પણ દીપક છે. હર હાલતમાં દીપક તો દીપક છે. હવે આંહીથી બધા વયા જાવ તમે ને દીપક ચાલુ રાખો. તો દીપક નથી એમ થાય ને ? તમે છો અને તમને પ્રસિદ્ધ કરે તો જ દીપકનું અસ્તિત્વ રહે, તમે બધા વયા જાવ તો દીપક તો રહ્યો નહીં ને ? બલ્લુભાઈ ! દીપક રહે તેમ કહે છે મોદી
| SR No. | 008241 |
| Book Title | Gnayak Swaroop Prakashan |
| Original Sutra Author | N/A |
| Author | Lalchandra Pandit |
| Publisher | Digambar Jain Kundamrut Kahan |
| Publication Year | 2007 |
| Total Pages | 487 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |