Page Text
________________
જ્ઞાયક સ્વરૂપપ્રકાશન
હંમેશા દેવ-ગુરુ-શાસ્ત્રની ભક્તિમાં શુભરાગ હોય અને શુભરાગથી પુણ્ય બંધાય દુઃખી થવા માટે. પુણ્ય બંધાય એ પણ દુઃખનું કારણ છે ? સુખનું કારણ છે ? વર્તમાનમાં દુઃખ ને ભવિષ્યમાં પણ દુઃખ. એ શુભભાવ કર્યો ને ત્યારે પણ એ દુઃખી થયો. તેના નિમિત્તે પુણ્યનો ઢગલો થયો, પૈસો વધે તેમ વધારે દુ:ખી. બહોત લક્ષ્મી મહા દુઃખમ. ટિકડી લેવી પડે છે અમેરીકામાં તો પૈસાવાળાને. કહે છે કે તને પૈસો જોતો હોય ને લક્ષ્મી આ ધૂળ બહારની, પૂ. ગુરુદેવ ધૂળ કહે છે ને. તો ભગવાનની પૂજા કર ને. નિયમસારમાં શ્લોક છે. મને ખુલાસો થઈ ગયો. ચાલીસ વરસે ખુલાસો આવ્યો. ઓહો ! બરાબર છે. કેમકે એ લોકો પૂજામાં બહુ તત્પર, તત્ત્વજ્ઞાન અને ભેદજ્ઞાનની વાત નહિં ત્યાં. આહાહા ! ભલે પ્રતિમા વિપરીત છે એ જુદી વાત છે. ટૂંકમાં ઈ લોકો અરિહંતની ભક્તિ કરે છે ને. શુભભાવ તો એટલે છે ને. આહાહા !
૨૧૪
એમ અહીંયા કહે છે કે તું આત્માના લક્ષે વાત કરીશ તો તારો ઉઘાડ વધી જશે અને નિર્મળ જ્ઞાન થશે અને નિર્મળજ્ઞાનમાં આત્માનો અનુભવ પ્રગટ થશે ચૈતન્ય લક્ષ્મી પ્રગટ થશે. ઓલી ધૂળની લક્ષ્મીનું કાંઈ નહિં. અહીંયા મૂકીને ચાલ્યા જશો. મનુભાઈ બધું મુકીને ગયા ને. કોણ લઈ જાય છે ?
એ વાત કરે છે. હું શુદ્ધાત્માની વાત તને કરીશ. મારી વધતી દશાએ કરીશ અને તારા વધતા ઉઘાડે તું સાંભળજે. તારો ઉઘાડ વધતો જશે. આજ કરતાં કાલ. કાલ કરતાં પરમદિવસ. શેનો ઉઘાડ ? પ૨ને જાણવાનો ? નહીં. શુદ્ધાત્માને અનુભવવાનો ઉઘાડ વધી જશે. શુદ્ધાત્માનો ઉઘાડ જ્યાં વધશે ત્યાં તો તારા અનુમાનમાં પ્રથમ આવી જશે અને પરોક્ષ દર્શન થશે અને પછી તને પ્રત્યક્ષ દર્શન થશે. આ લાઈન છે. જો આત્માને તારે સાંભળવો હોય તો આટલો લાભ તને મોક્ષનો થશે. આહાહા !
એ વાત બીજા પારામાં કરે છે. વળી, દૃષ્ટિ પ્રધાન કથનથી એક વાત કરી શુદ્ધાત્માની, દૃષ્ટિનો વિષય હાથમાં આવ્યો. દષ્ટિ પ્રગટ નથી થઈ પણ દષ્ટિનો વિષય દૃષ્ટિમાં આવ્યો કે આવો મારો શુદ્ધાત્મા છે. હવે એને કેમ અનુભવવો એની કળા ને વિધિ બતાવે છે. એમાં પહેલાં દૃષ્ટાંત આપે છે. જગતને દૃષ્ટાંતથી સિદ્ધાંત હળવો થાય, સમજાય. નહિંતર કઠણ પડે. કેમકે આત્માનો તો અનુભવ નથી અજ્ઞાનીને, એટલે આત્મા શું અને એનો અનુભવ કેમ થાય એના દૃષ્ટાંત દ્વારા સમજાવે છે.
વળી, વળી કેમ ? કે દૃષ્ટિનો વિષય તો આપ્યો. હવે અનુભવ કેમ થાય ? દૃષ્ટિનો વિષય પણ જ્ઞાયક અને અનુભવનો વિષય પણ જ્ઞાયક. વિષયમાં ફેર નથી. પણ પર્યાય બેય જુદી જુદી છે. એક શ્રદ્ધાની પર્યાય અને એક જ્ઞાનની પર્યાય. પર્યાય બેય જુદી જુદી
| SR No. | 008241 |
| Book Title | Gnayak Swaroop Prakashan |
| Original Sutra Author | N/A |
| Author | Lalchandra Pandit |
| Publisher | Digambar Jain Kundamrut Kahan |
| Publication Year | 2007 |
| Total Pages | 487 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |