Page Text
________________
૧૯૬
જ્ઞાયક સ્વરૂપ પ્રકાશન આ એકદમ એકડાની વાત છે. કોઈ કહે કે ઉંચી વાત છે એમ નહીં. અપ્રતિબુદ્ધ અનાદિ અજ્ઞાની જીવ માટે આ સમયસાર શાસ્ત્ર લખાણું છે. આ મુનિઓ માટે નથી. હિન્દુસ્તાનમાં ગપ્પા મારે છે કે આ મુનિઓ માટે છે. કાંઈ ખબર નથી. અનાદિ અપ્રતિબુદ્ધ માટે આ શાસ્ત્ર રચાણા છે. પાઠ છે ચોો . આ તો ગાથા છે કાંઈ. આહાહા! અપૂર્વ ગાથા છે.
નિત્ય ઉદ્યોતરૂપ, ભગવાન આત્મા નિત્ય પ્રગટ છે. પર્યાય પ્રગટ થાય છે તે આત્મા નથી, પરદ્રવ્ય છે. કેવળજ્ઞાન પ્રગટ થાય તે મને પરદ્રવ્ય છે. આહાહા ! કોણ કહે ઈ. કોણ કહે કે જેને દ્રવ્યદૃષ્ટિ થઈ ગઈ છે ને ભેદની દૃષ્ટિ છૂટી ગઈ છે. અને અભેદની દૃષ્ટિ જામી ગઈ છે. એ ભેદને હેયપણે જાણે છે. મને પરદ્રવ્ય છે જેટલા ભેદો પ્રગટ થાયને, કેવળજ્ઞાન તો પ્રગટ થાય છે. જે પ્રગટ થાય છે એ ક્ષાયિકભાવ પ્રગટ થાય. એમાં પારિણામિક ભાવનું લક્ષણ નથી, માટે મને પદ્રવ્ય છે. કારણ આપ્યું છે ત્યાં.
ભિન્ન લક્ષણવાળા ભાવો એમ કહ્યું. મારા લક્ષણથી જુદી જાતનું લક્ષણ છે. કેવળજ્ઞાન ક્ષાયિકભાવે છે અને જીવ પારિણામિક ભાવે છે. આહાહા ! કેવળજ્ઞાનમાં જ્ઞાનાવરણ કર્મના ક્ષયની અપેક્ષા આવે છે અને ભગવાન આત્મા નિરપેક્ષ છે. આહાહા ! આ એકડાની વાત છે હો. બગડાની વાત તો ચારિત્રમાં આવે. એ બગડો આવે ચારિત્રમાં, ત્રગડામાં કેવળજ્ઞાન થઈ જાય. ત્રગડામાં કેવળજ્ઞાન. આહાહા ! ત્રણની પૂર્ણતા. જ્ઞાન, દર્શન, ચારિત્ર મોક્ષમાર્ગની.
નિત્ય ઉદ્યોતરૂપ હોવાથી ક્ષણિક નથી અને સ્પષ્ટ પ્રકાશમાન જ્યોતિ છે, જો બીજો બોલ. સ્પષ્ટ એટલે પ્રત્યક્ષ છે આત્મા. આત્મા પરોક્ષ નથી. આત્મા પ્રત્યક્ષ છે. કેમ દેખાતો નથી? કે તું દેખાતો નથી. પ્રત્યક્ષ છે. એમ લખ્યું છે હો. પ્રત્યક્ષ છે હો. સ્પષ્ટ એટલે પ્રત્યક્ષ, પરોક્ષનો નિષેધ કર્યો. આહાહા ! પ્રત્યક્ષ છે, તો કેમ દેખાતો નથી ? કે તું દેખતો નથી. આહાહા ! તું અંતરમાં જઈને જો તો તને દેખાશે. ન દેખાય એવો આત્માનો સ્વભાવ નથી. દેખાય એવો સ્વભાવ છે.
આત્મામાં પ્રકાશ નામની એક શક્તિ છે. એ શક્તિ એવી છે કે સ્પષ્ટ પ્રકાશમાન જ્યોતિ અંદર બિરાજમાન છે. એ પ્રત્યક્ષ અંદરમાં જઈને જોવે તો પ્રત્યક્ષ જાજવલ્યમાન થઈને દેખાય છે. પરોક્ષ એવો આત્માનો સ્વભાવ નથી. મતિ શ્રુત પરોક્ષ છે. પણ ત્રિકાળી દ્રવ્ય તો પ્રત્યક્ષ છે. સ્પષ્ટ પ્રકાશમાન જ્યોતિ છે. આ ઈન્દ્રિયજ્ઞાન તો અંધારું છે. રાગ પણ આંધળો છે. રાત્રેય આંધળો ને ઈન્દ્રિયજ્ઞાન પણ આંધળુ છે.
અતીન્દ્રિયજ્ઞાનમય ભાવથી વિપરીત એવી પાંચ ઈન્દ્રિય ને છઠું મન, વિપરીત એટલે જડ. એક ચેતન ને બીજું જડ. આહાહા ! સ્પષ્ટ પ્રકાશમાન, પ્રત્યક્ષ છે આત્મા હો. સૂર્ય
| SR No. | 008241 |
| Book Title | Gnayak Swaroop Prakashan |
| Original Sutra Author | N/A |
| Author | Lalchandra Pandit |
| Publisher | Digambar Jain Kundamrut Kahan |
| Publication Year | 2007 |
| Total Pages | 487 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |