Gnayak Swaroop Prakashan

SR No.: 008241
Original Sutra Author: N/A
Author: Lalchandra Pandit
Publisher: Digambar Jain Kundamrut Kahan
Publication Year: 2007
Total Pages: 487
Language: Gujarati
Classification: Book_Gujarati, Spiritual, & Discourse
File Size: 3 MB

Page 189

૧૭૨
જ્ઞાયક સ્વરૂપપ્રકાશન અને તે શુદ્ધાત્માની ઉપલબ્ધિમાં પ્રાપ્તિમાં અનુભૂતિ કેમ થાય?
આપ કહેવા માંગો છો એટલે એમ તો ખ્યાલ આવે છે કે આપ શુદ્ધાત્માનું સ્વરૂપ કહેવા માંગો છો. કેમકે આપે ઉદ્યમ કર્યો છે, વ્યવસાય કર્યો છે કે આ સમયસાર શાસ્ત્રમાં હું શુદ્ધાત્માની વાત કહીશ, એકત્વ વિભક્ત આત્માની વાત કહીશ, નિજ વૈભવથી કહીશ. ત્રણ પ્રકારના વૈભવ નિમિત્તરૂપે છે અને એક પ્રકારનો વૈભવ આત્માની અનુભૂતિસ્વરૂપે છે. અમે આત્માનો અનુભવ કરીને આ વાત બહાર કરવા-મૂકવા માંગીએ છીએ. અમે જ્ઞાની ધર્માત્માની વાત સાંભળીને કે આગમ પરમાગમનું કેવળ અધ્યયન કરીને અમે આ શાસ્ત્ર લખતા નથી. પણ અમારા સ્વસંવેદનજ્ઞાનથી અતીન્દ્રિયજ્ઞાન દ્વારા અમે શુદ્ધાત્માને અનુભવ્યો'તો અને એ અનુભવ ચાલુ છે તે અનુભવ છૂટતો નથી તે અનુભવ કોઈ કાળે છૂટવાનો નથી. તે અનુભવ દ્વારા અમે કહીએ છીએ. એ અનુભવની પરંપરાએ પરિપૂર્ણ સાધ્ય અવસ્થા પણ અમારી પ્રગટ થશે.
તેઓએ શુદ્ધાત્માનું સ્વરૂપ પ્રકાશ કરી આત્મા ઉપર જેમ કૃપા કરી આત્માનો અનુગ્રહપૂર્વક શુદ્ધાત્માનો ઉપદેશ આપ્યો'તો. મારો પણ તે જ પ્રશ્ન છે કે શુદ્ધાત્માનું સ્વરૂપ શું? અમારા ઉપર કૃપા કરી, મહેરબાની કરી તમે શુદ્ધાત્માનું સ્વરૂપ સમજાવો, સંભળાવો. અમે આ શુદ્ધાત્માની વાત કરી પોતાની કરીને સાંભળી નથી. અમારી શ્રદ્ધામાં એમ જ છે કે સંસારી જીવ દુઃખી હોય અને સંસારીજીવ અશુદ્ધ હોય, મિથ્યાષ્ટિ હોય. આપ કહો છો કે આત્મા અમતદશામાં મિથ્યાત્વની અવસ્થાથી ભિન્ન છે, એમ આપ કહેવા માગો છો, તો કૃપા કરીને શુદ્ધાત્માનું સ્વરૂપ અમને સમજાવો, એવો પ્રશ્ન છે.
ગુરુદેવ આમાં ફરમાવતા'તા કે આ પ્રશ્ન ઉત્તરની પરંપરા અનાદિની ચાલે છે. ભરત મહારાજાએ ઋષભદેવ ભગવાનને આ પ્રશ્ન કર્યો હતો, કે કૃપા કરીને શુદ્ધાત્માનું સ્વરૂપ સમજાવો, કહો. વાણી છૂટી અને ગૌતમ ગણધરે પણ બે હાથ જોડી નમ્રીભૂત થઈને ભગવાન મહાવીરને વિનંતી કરી, કે શુદ્ધાત્માનું સ્વરૂપ મારે સમજવું છે. શિષ્યનો એવો પ્રશ્ન નથી કે છે દ્રવ્યનું શું સ્વરૂપ છે? લોકનું શું સ્વરૂપ છે? લોકના પ્રદેશ કેટલા લોકાકાશના ને અલોકાકાશના પ્રદેશ કેટલા બે મળીને કેટલા તે પ્રશ્ન નથી. પરમાણુની સંખ્યા કેટલી તે મારો પ્રશ્ન નથી. જીવની સંખ્યા કેટલી તે મારો પ્રશ્ન નથી. મારો તો પ્રશ્ન એટલો જ છે કે શુદ્ધાત્માનું સ્વરૂપ શું એ મને કૃપા કરી સમજાવો. આ પરંપરા ઠેઠ સોનગઢ સુધી ચાલી. આ જે પરંપરા હતી ઋષભદેવ ભગવાનથી માંડીને મારા ગુરુપર્વત, દરેકે પોતા ઉપર ઊતારવું. બધાના ગુરુ એક જ છે ને ! ગુરુ એક છે. મારા ગુરુપર્યત પ્રભુ મને શુદ્ધાત્માનું સ્વરૂપ સમજાવો.